Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Prydau ysgolion cynradd
Canolfannau Hamdden
Etholiad Cyffredinol 2024
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Medi 2022
Gŵyl y Caws Bach, Caerffili, yn llwyddiant ysgubol
News Centre
Gŵyl y Caws Bach, Caerffili, yn llwyddiant ysgubol
Postiwyd ar : 21 Medi 2022
Daeth Gŵyl y Caws Bach i ganol tref Caerffili ar 3 a 4 Medi, ac fe groesawodd nifer syfrdanol o ymwelwyr; 33,000 yng Nghanolfan Siopa Cwrt y Castell a thros 10,000 o bobl yng nghanol y dref.
Ni fu modd cynnal Gŵyl y Caws Mawr eleni oherwydd y gwaith datblygu a oedd yn digwydd yng Nghastell Caerffili, ond fe wnaeth yr hwyl barhau gydag adloniant i ddifyrru pawb. Cafodd tair ardal gerddoriaeth fyw eu cynnal yn ystod y digwyddiad, ynghyd â phrif lwyfan ym Maes Parcio’r Twyn, gan ddod â bywyd newydd i'r dref am y penwythnos.
Roedd amrywiaeth o stondinau bwyd, diod a chrefft yn bresennol, yn ogystal â'r marchnadoedd sy'n cael eu cynnal yn y dref bob tri mis. Ymunodd yr holl farchnadoedd â’r ŵyl i greu canol tref prysur, a oedd yn bleser i’w weld ar ôl y flwyddyn neu ddwy ddiwethaf. Agorodd llawer o fusnesau lleol eu drysau a chreu mannau eistedd awyr agored i groesawu ymwelwyr a’u galluogi i ymlacio a mwynhau’r awyrgylch.
Roedd digwyddiad y Caws Bach eleni yn gyfle gwych i fusnesau bach a lleol ym Mwrdeistref Sirol Caerffili arddangos eu doniau a’u gwasanaethau, a bu pob un ohonyn nhw'n boblogaidd iawn gydag ymwelwyr.
Clywch beth oedd gan fusnesau lleol i’w ddweud am y digwyddiad:
Dywedodd Glenn, Cyfarwyddwr Grŵp Brew Monster, “Dyma’r digwyddiad cyntaf i ni ei fynychu yng Nghaerffili ac roedd yn llwyddiant ysgubol. Cawson ni amser gwych yn rhan o'r digwyddiad ac fe wnaethon ni gwrdd â llawer o gwsmeriaid hapus. Roedd y digwyddiad hefyd yn gyfle gwych i gwrdd â chyflenwyr lleol eraill ac rydyn ni'n edrych ymlaen at weithio gyda nhw ar brosiectau newydd cyffrous yn y dyfodol agos. Roedd y digwyddiad yn llwyddiant, nid yn unig o ran cael marchnadoedd ym maes parcio’r Twyn, ond hefyd oherwydd y cynnydd yn nifer yr ymwelwyr yn y dref ac wrth amlygu'r brand yn y digwyddiad, a olygodd fod ein bar bragdy wedi cael un o’i ddyddiau prysuraf ers agor. Gwell fyth oedd nad oedd llawer o’r ymwelwyr a ddaeth i'r bar bragdy wedi ymweld o’r blaen, sy’n golygu bod gennym ni bellach lawer o gwsmeriaid newydd rydyn ni'n gobeithio bydd yn dychwelyd eto yn y dyfodol.”
Dywedodd Calvin Evans o’r AVIARY, “Roedden ni mor falch o fod yn rhan o Ŵyl y Caws Bach cyntaf yng Nghaerffili, ac am lwyddiant!! Gyda’n bar ar y stryd fawr yn ymestyn ein man eistedd awyr agored am y penwythnos, fe helpodd hynny ni i ddarparu'r seddi perffaith i’r cyhoedd ar bwys Llwyfan y Foneddiges Werdd, a oedd wedi'i leoli'r tu allan. Roedd yr artistiaid byw trwy gydol y penwythnos yn rhagorol, fe ddaeth â'r dref yn fyw o ddifrif. Roedd yn wych gweld yr holl fusnesau a masnachwyr lleol ac o bell i gyd gyda’i gilydd yn gweithio ar y cyd.”
Ychwanegodd, “Gofynnodd y tîm digwyddiadau yn garedig i ni a oedd ein blwch ceffylau symudol ar gael i’w leoli ger y Prif Lwyfan, ac roedd hynny'n gyfle na allem ni ei wrthod! Roedd bod reit ar bwys y prif lwyfan gyda bandiau anhygoel yn brofiad gwych i ni. Nid yn unig y bu Gŵyl y Caws Bach eleni'n llwyddiant mawr i’r busnes ar ôl y ddwy flynedd ofnadwy ddiwethaf, fe wnaeth galonogi ein tîm a chodi ysbryd Caerffili. Golygfa hyfryd oedd gweld pobl yn jeifio, chwerthin, ac yfed gyda ffrindiau a theulu. Bydden ni wrth ein boddau'n gweld y Caws Bach yn dychwelyd i'r dref y flwyddyn nesaf! Da iawn i bawb a oedd yn rhan ohoni, am benwythnos gwych i’r dref.”
Dywedodd y Cynghorydd Jamie Pritchard, Aelod Cabinet dros Ffyniant, Adfywio a Newid yn yr Hinsawdd, “Rydw i’n falch iawn o’r ymateb i Ŵyl y Caws Bach eleni. Roedd yn wych gweld cymaint o ymwelwyr a thrigolion o gwmpas ac yn mwynhau eu hunain ar ôl rhai blynyddoedd o gael eu cyfyngu oherwydd COVID-19. Roedd yn benwythnos ardderchog, gydag adborth rhagorol gan fusnesau lleol. Roedd y perfformiadau cerddorol yn grêt, ac roedd y naws gyffredinol yn wych. Hoffwn i ddiolch i’r gymuned fusnes am weithio mor dda gyda ni dros yr wythnosau diwethaf. Bydd mwy o ddigwyddiadau yn dod i’r Fwrdeistref Sirol yn y misoedd nesaf”.
Dros y misoedd nesaf, byddwn ni'n parhau i weithio mewn partneriaeth â Chynghorau Tref i gynllunio rhaglen gyffrous ar gyfer digwyddiadau’r Gaeaf. Byddwn ni'n postio gwybodaeth ar ein gwefan ac yng nghanol trefi lleol, cadwch lygad yn agored.
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Adolygu canlyniadau ymgynghoriad cyhoeddus Bwrdeistref Sirol Caerffili ar y Strategaeth Wastraff
Apêl y Cyngor ar ôl i 'nifer fawr' o offer gael ei ddwyn o’r depo yn Abercarn
Rhaglen flynyddol Sialens Ddarllen yr Haf yn dychwelyd ar gyfer 2024
Ysgolion yn dathlu llwyddiant yng Ngwobrau Ysgolion ac Addysg De Cymru 2024.
Dathlwch Ddiwrnod y Lluoedd Arfog 2024 y penwythnos hwn
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y