Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Prydau ysgolion cynradd
Canolfannau Hamdden
Etholiad Cyffredinol 2024
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Mehefin 2023
Ailddatblygiad stryd amlwg yng nghanol tref Caerffili wedi'i gymeradwyo fel rhan o gynllun Caerffili
News Centre
Ailddatblygiad stryd amlwg yng nghanol tref Caerffili wedi'i gymeradwyo fel rhan o gynllun Caerffili 2035
Postiwyd ar : 30 Meh 2023
Mae cynlluniau ailddatblygu ar gyfer Stryd Pentre-baen Caerffili wedi’u cymeradwyo fel rhan o gynllun adfywio uchelgeisiol Caerffili 2035 i drawsnewid canol tref Caerffili. Mae prosiect adfywio Stryd Pentre-baen wedi’i wneud yn bosibl diolch i Gyngor Bwrdeistref Sirol Caerffili a chymorth gan raglen Trawsnewid Trefi Llywodraeth Cymru.
Bydd natur adfeiliedig yr adeiladau, sydd wedi arwain at lai o ymwelwyr i’r rhan hon o ganol y dref ac wedi cael effaith negyddol ar fusnesau presennol, yn cael eu gwella’n sylweddol i greu datblygiad defnydd cymysg cyffrous a fydd yn gynllun blaenllaw ar gyfer Canol Tref Caerffili.
Dywedodd y Cynghorydd James Pritchard, Dirprwy Arweinydd ac Aelod Cabinet dros Ffyniant, Adfywio a Newid Hinsawdd ar gyfer Cyngor Bwrdeistref Sirol Caerffili: “Bydd yr ailddatblygiad arfaethedig yn enghraifft o astudiaeth achos ar gyfer datblygiadau canol tref yn y dyfodol a bydd yn helpu i ddenu buddsoddiad pellach i Gaerffili. Ers nifer o flynyddoedd, mae trigolion wedi siarad am yr angen i ailddatblygu pen uchaf y dref, felly dyma beth rydym yn bwriadu ei wneud. Gobeithiwn y bydd y cynlluniau a gymeradwywyd heddiw yn dangos yn glir ein hymrwymiad parhaus i drawsnewid canol y dref ac ysgogi twf economaidd. Gyda Ffos Caerffili hefyd yn cymryd camau breision ymlaen, mae cynllun Caerffili 2035 yn dwyn ffrwyth.”
Nod Linc Cymru yw adeiladu 73 o fflatiau, cymysgedd o rent cymdeithasol a rhent y farchnad, a saith uned fasnachol newydd i ddenu amrywiaeth o fusnesau. Bydd y datblygiad yn trawsnewid yr ardal yn Stryd Pentre-baen ac o'i chwmpas gyda thri adeilad newydd a mannau cyhoeddus newydd i ymwelwyr a thrigolion eu mwynhau.
Dywedodd Siân Diaz, Cyfarwyddwr Datblygu Linc Cymru: “Dim ond pan fydd yr holl bartneriaid yn cydweithio tuag at yr un weledigaeth y mae prosiectau fel hyn yn llwyddiannus. Dros yr ychydig flynyddoedd diwethaf, rydym wedi meithrin perthynas gref â’r cyngor a chyda chymorth cyllid gan Lywodraeth Cymru, byddwn yn sicrhau bod manteision y datblygiad hwn yn cyfateb i nodau Prif Gynllun Caerffili 2035.
“Bydd y penderfyniad hwn gan y cyngor yn arwain at drawsnewid y rhan hon o ganol tref Caerffili. Mae’r holl nodweddion hyn yn mynd i ddod â naws newydd bywiog i’r ardal a rhoi rheswm arall i ymwelwyr ddod i Gaerffili.
“Mae argraffiadau’r artist yn ysbrydoledig ac yn dangos yr hyder sydd gennym ni a’n partneriaid i helpu’r dref i ffynnu yn y dyfodol.
“Mae’r ychydig flynyddoedd diwethaf wedi gweld newidiadau mawr i lawer o bobl o ran sut a ble
maen nhw’n gweithio. Bydd man cydweithio ar y safle hwn yn darparu mwy o fuddion ac yn denu
pobl i weithio a mwynhau’r siopau, bariau a bwytai cyfagos.”
Mae cynlluniau Stryd Pentre-baen yn bwriadu:
• Cynnwys cyfleoedd masnachol newydd ar lefel stryd a fydd yn denu busnesau creadigol.
• Cynnig fflatiau dwysedd uchel, rhent cymdeithasol, rhent preifat, a fflatiau ar werth ar y farchnad.
• Hyrwyddo integreiddio gwaith, cartref, siopa, cludiant a mannau cyhoeddus yng Nghaerffili.
• Cwrdd â dyheadau ac anghenion y gymuned leol a chenedlaethau'r dyfodol.
• Lleihau'r defnydd o ynni a lleihau'r ôl-troed carbon cyffredinol i ddarparu cartrefi newydd a fydd â chyfradd Sero Carbon Net ac EPC A.
• Sicrhau y bydd y dirwedd yn integreiddio systemau draenio cynaliadwy a fydd yn rheoli dŵr ffo wyneb, yn gwella bioamrywiaeth, ac yn helpu i greu man amwynder o ansawdd uchel i drigolion a'r cyhoedd.
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Adolygu canlyniadau ymgynghoriad cyhoeddus Bwrdeistref Sirol Caerffili ar y Strategaeth Wastraff
Apêl y Cyngor ar ôl i 'nifer fawr' o offer gael ei ddwyn o’r depo yn Abercarn
Rhaglen flynyddol Sialens Ddarllen yr Haf yn dychwelyd ar gyfer 2024
Ysgolion yn dathlu llwyddiant yng Ngwobrau Ysgolion ac Addysg De Cymru 2024.
Dathlwch Ddiwrnod y Lluoedd Arfog 2024 y penwythnos hwn
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y