Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Prydau ysgolion cynradd
Canolfannau Hamdden
Etholiad Cyffredinol 2024
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Gorffennaf 2022
Canmol Cyngor Caerffili am wahardd anifeiliaid anwes fel gwobrau
News Centre
Canmol Cyngor Caerffili am wahardd anifeiliaid anwes fel gwobrau
Postiwyd ar : 11 Gor 2022
Mae'r RSPCA wedi canmol Cyngor Caerffili am gymryd safiad cadarnhaol yn erbyn cam-drin anifeiliaid.
Cyflwynodd Cyngor Bwrdeistref Sirol Caerffili waharddiad ar anifeiliaid anwes fel gwobrau yn ôl yn 2019 a’r cyntaf i wneud safiad mor gyhoeddus ar y mater.
Daeth cefnogaeth y Cyngor llawn yn dilyn cefnogaeth unfrydol gan Bwyllgor Craffu’r Amgylchedd a Chynaliadwyedd y Cyngor, lle rhoddodd RSPCA Cymru dystiolaeth ochr yn ochr â’r Cynghorydd Jamie Pritchard.
Dywedodd RSPCA Cymru ei fod yn “newyddion gwych i les anifeiliaid, yn enwedig pysgod aur”.
Gall rhoi anifeiliaid fel gwobrau fod yn niweidiol i les yr anifeiliaid. Bydd llawer yn marw cyn dychwelyd i'w cartrefi newydd, neu'n fuan wedyn; ac mae ennill anifail trwy gêm yn annog perchnogion i gymryd anifeiliaid anwes ymlaen mewn modd digymell, a heb ei gynllunio'n dda.
Gall pysgod aur fynd dan straen yn hawdd, ac yn aml mae pysgod sy'n cael eu hennill fel gwobrau yn dioddef yn ofnadwy o sioc, newyn ocsigen a newidiadau i dymheredd y dŵr oherwydd eu hamgylchedd anaddas.
Mae bellach yn anghyfreithlon rhoi anifeiliaid anwes fel gwobrau ar dir sy'n cael ei reoli gan yr awdurdod lleol. Roedd hyn yn dilyn gwybodaeth am bysgod aur yn cael eu rhoi fel gwobrau yn yr ardal leol.
Mae’r RSPCA yn cynnal ymgyrch i wahardd yr arfer o’r enw #NoFunAtTheFair gan eu bod yn ofni y bydd yr haf yn gweld rhagor o bysgod aur yn cael eu rhoi fel gwobrau fel ffeiriau.
Dywedodd rheolwr materion cyhoeddus RSPCA Cymru, Chris O’Brien, “Gyda chyfyngiadau Covid bellach wedi’u lleddfu’n llwyr yng Nghymru, mae perygl gwirioneddol y bydd rhoi pysgod aur fel gwobrau yn dychwelyd mewn niferoedd mawr wrth i ffeiriau hwyl a digwyddiadau ailddechrau.
“Rydyn ni wrth ein bodd bod bron i chwarter awdurdodau lleol Cymru eisoes wedi gwahardd yr arfer ar eu tir – ond bydd RSPCA Cymru yn parhau i ymgyrchu hyd nes y bydd yr arfer hwn yn cael ei anfon i’r llyfrau hanes.”
Dywedodd y Cynghorydd Jamie Pritchard, Dirprwy Arweinydd Cyngor Caerffili, “Mae rhoi anifeiliaid i ffwrdd fel gwobrau yn gwbl amhriodol ac, fel cyngor, rydyn ni'n cefnogi safiad yr RSPCA y dylid rhoi’r gorau i’r arfer hwn.
"Dydy Cyngor Caerffili ddim wedi caniatáu i unrhyw ddigwyddiad sy'n cynnig anifeiliaid fel gwobrau gael ei gynnal ar dir y Cyngor ers 2019. Fel awdurdod lleol, rydyn ni'n cymryd lles anifeiliaid o ddifrif a gyda chyfyngiadau wedi lleddfu a misoedd yr haf wedi cyrraedd, byddem yn annog trigolion i beidio ag ymgysylltu ag unrhyw ffeiriau neu adloniant sy’n cynnig anifeiliaid fel gwobrau.”
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Adolygu canlyniadau ymgynghoriad cyhoeddus Bwrdeistref Sirol Caerffili ar y Strategaeth Wastraff
Apêl y Cyngor ar ôl i 'nifer fawr' o offer gael ei ddwyn o’r depo yn Abercarn
Rhaglen flynyddol Sialens Ddarllen yr Haf yn dychwelyd ar gyfer 2024
Ysgolion yn dathlu llwyddiant yng Ngwobrau Ysgolion ac Addysg De Cymru 2024.
Dathlwch Ddiwrnod y Lluoedd Arfog 2024 y penwythnos hwn
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y