Drwy ddefnyddio’r safle we hwn, rydych yn cytuno i’n defnydd ni o gwcis.
Cliciwch am fwy o fanylion
.
Skip to content
Hygyrchedd
Cysylltwch â ni
Y ganolfan newyddion
Tanysgrifio
English
Search for:
Tasgau poblogaidd
Preswylydd
Busnes
Pethau i'w gwneud
Y Cyngor
Cymerwch ran
Menu
Tasgau poblogaidd
Swyddi a hyfforddiant
Prydau ysgolion cynradd
Canolfannau Hamdden
Etholiad Cyffredinol 2024
Treth y Cyngor
Casgliad bin wedi'i golli
Gwneud cais, adrodd, gofyn, talu
Ysgolion, dyddiadau tymor a chau ysgolion
Trafnidiaeth gyhoeddus – gwybodaeth a chyngor
Credyd Cynhwysol (yn lle Budd-daliadau Tai)
Chwilio, olrhain a gwneud sylwadau ar geisiadau cynllunio
Diwrnodau casglu gwastraff
Preswylydd
Busnes
Pethau i'w gwneud
Y Cyngor
Cymerwch ran
Newyddion
Newyddion
Rhagfyr 2021
Gosod camerâu cylch cyfyng ychwanegol yn Rhymni wrth i brosiect Strydoedd Saffach Heddlu Gwent barha
News Centre
Gosod camerâu cylch cyfyng ychwanegol yn Rhymni wrth i brosiect Strydoedd Saffach Heddlu Gwent barhau
Postiwyd ar : 06 Rhag 2021
Mae chwe chamera cylch cyfyng cyhoeddus newydd wedi’u gosod ar hyd ffordd Blaenau’r Cymoedd (A465) a strydoedd cyfagos i helpu i fynd i’r afael â throseddau yn y gymdogaeth yn Rhymni.
Yn ogystal â’r camerâu, sydd wedi’u lleoli ar hyn o bryd ar Deras Lady Tyler, Stryd yr Eglwys, Stryd y Bryn, y gyffordd wrth Heol Merthyr, Dan y Graig a chyffordd traphont yr A465 ger Pontlottyn, mae goleuadau cyfagos a fydd yn helpu swyddogion i daclo troseddau cerbydau ac achosion o ddwyn tanwydd yn yr ardal.
Mae’r camerâu cylch cyfyng, sy’n rhan o brosiect Strydoedd Saffach yr heddlu yn Rhymni, yn gallu cael eu symud i naw lleoliad arall gan helpu i fynd i’r afael â throseddau yn y gymdogaeth, atal lladrad a nodi troseddwyr posib.
Llwyddodd Heddlu Gwent i sicrhau bron i £300,000 (£299,777) o gyllid Strydoedd Saffach gan y Swyddfa Gartref yn gynharach eleni.
Mae menter Strydoedd Saffach y Swyddfa Gartref yn rhoi cyfle i heddluoedd Cymru a Lloegr wneud cais am grantiau y gellir eu defnyddio ar fesurau atal troseddau yn eu cymunedau.
Mae’r cronfeydd, a ddefnyddiwyd i brynu’r camerâu cylch cyfyng, yn cael eu defnyddio i atal troseddau a gwella diogelwch cartrefi yn wardiau Moriah, Pontlottyn a Thwyn Carno yn Rhymni, gyda’r ffocws ar y troseddau yn y gymdogaeth mwyaf cyffredin yn yr ardal: byrgleriaeth, lladrata, dwyn a throseddau cerbydau.
Bu swyddogion yn ymweld â thrigolion ym mis Awst i gyflwyno’r prosiect, i gynnig cyngor diogelwch yn y cartref ac i asesu angen pob unigolyn am fesurau diogelwch ychwanegol a allai fod eu hangen, er enghraifft gwell cloeon ar ddrysau a ffenestri, goleuadau diogelwch ‘machlud tan y wawr’, amseryddion goleuadau dan do a systemau cloch drws cylch cyfyng i breswylwyr.
Fel rhan o brosiect Strydoedd Saffach yn Rhymni, mae Heddlu Gwent yn:
Helpu i wella diogelwch yn y cartref drwy gynnig offer diogelwch am ddim, gan gynnwys gwell cloeon ar ddrysau a ffenestri i’r rhai y mae eu hangen arnynt.
Helpu i amddiffyn eitemau gwerthfawr preswylwyr rhag cael eu dwyn drwy ddosbarthu pecynnau marcio eiddo am ddim ac arwyddion cysylltiedig.
Helpu i amddiffyn cerbydau rhag trosedd drwy osod camerâu cylch cyfyng cyhoeddus newydd.
Mae tîm Dangos y Drws i Drosedd Heddlu Gwent – sef ymgyrch lwyddiannus sy’n mynd i’r afael â throseddau meddiangar yn y sir – yn chwarae rhan allweddol yn y prosiect.
Yn ddiweddar, mae’r tîm wedi dosbarthu pinnau SmartWater ac UV i breswylwyr er mwyn caniatáu iddyn nhw farcio eu heiddo yn fforensig – gan eu gwneud yn haws eu holrhain, a’u dychwelyd, os cânt eu dwyn.
Meddai’r Dirprwy Brif Gwnstabl Amanda Blakeman, sef arweinydd yr heddlu ar droseddau meddiangar:
“Rydyn ni am i bobl deimlo’n ddiogel yn yr ardaloedd maen nhw’n byw ynddyn nhw.
“Mae pob trosedd yn cael effaith negyddol ar y cyhoedd, felly mae unrhyw fesurau y gallwn eu cyflwyno i fynd i’r afael â’r problemau yma a gwneud i bobl deimlo’n llai ofnus o droseddau yn gam i’r cyfeiriad cywir.
“Mae’r tactegau y byddwn ni’n eu defnyddio yn Rhymni, yn ogystal â Philgwenlli yng Nghasnewydd, wedi’u cynllunio nid yn unig i atal a lleihau troseddau ond hefyd i helpu pobl i gadw eu hunain, eu hanwyliaid a’u heitemau pwysig yn ddiogel.”
Ychwanegodd y Cynghorydd Nigel George, Aelod Cabinet Cyngor Bwrdeistref Sirol Caerffili gyda chyfrifoldeb am Ddiogelu’r Cyhoedd: “Rydyn ni’n falch o fod yn gweithio mewn partneriaeth â Heddlu Gwent ar y prosiect hwn sydd wedi’i dargedu at fynd i’r afael â’r problemau sy’n codi mewn ardal benodol yn y fwrdeistref sirol.
“Mae diogelwch preswylwyr yn hollbwysig ac rydyn ni’n hyderus y bydd y mesurau hyn yn atal troseddau o’r fath rhag digwydd ac yn cynnig sicrwydd i’r gymuned leol.”
I gael rhagor o wybodaeth am waith Strydoedd Saffach Heddlu Gwent, ewch i
Strydoedd Saffach | Heddlu Gwent.
Rhannwch y dudalen hon :
Rhannwch ar Facebook
Rhannwch ar Twitter
Newyddion Diweddar
Adolygu canlyniadau ymgynghoriad cyhoeddus Bwrdeistref Sirol Caerffili ar y Strategaeth Wastraff
Apêl y Cyngor ar ôl i 'nifer fawr' o offer gael ei ddwyn o’r depo yn Abercarn
Rhaglen flynyddol Sialens Ddarllen yr Haf yn dychwelyd ar gyfer 2024
Ysgolion yn dathlu llwyddiant yng Ngwobrau Ysgolion ac Addysg De Cymru 2024.
Dathlwch Ddiwrnod y Lluoedd Arfog 2024 y penwythnos hwn
Ymholiadau'r Cyfryngau
Cyfeiriad E-bost
Ffôn
Cyfeiriad
Gwasanaethau A i Y
A
B
C
Ch
D
Dd
E
F
Ff
G
Ng
H
I
L
Ll
M
N
O
P
Ph
R
Rh
S
T
Th
U
W
Y