Adran 1: cyflwyniad

Mae gennym Gynllun pum mlynedd 2018-2023 sydd â chwe Amcan Llesiant. Y rhain yw:

ALl 1:Gwella cyfleoedd addysg i bawb

ALl 2: Galluogi cyflogaeth

ALl 3: Mynd i’r afael â’r cyflenwad o gartrefi, eu cyflwr a’u cynaliadwyedd ar draws y fwrdeistref sirol a darparu cyngor, cymorth neu gefnogaeth i helpu i wella iechyd a llesiant pobl

ALl 4: Hybu system drafnidiaeth fodern, integredig a chynaliadwy sy’n cynyddu cyfleoedd, darparu ffyniant ac sy’n lleihau’r effeithiau niweidiol ar yr amgylchedd

ALl 5:Creu bwrdeistref sirol sy’n cefnogi ffordd o fyw iach yn unol â’r Egwyddor Datblygu Cynaliadwy yn Neddf Llesiant Cenedlaethau’r Dyfodol (Cymru) 20

ALl 6: Cynorthwyo dinasyddion i barhau i fyw yn annibynnol a gwella eu llesiant

Mae’r Cyngor yn defnyddio’r Amcanion Llesiant i gyfrannu at lesiant economaidd, amgylcheddol, cymdeithasol a diwylliannol ein cymunedau yn well, ac maent yn seiliedig ar y meysydd mae ein cymunedau wedi dweud wrthym sy’n bwysig iddyn nhw a’u llesiant.

Mae’r adran hon yn disgrifio ein perfformiad wrth gyflawni ein Hamcanion Llesiant ym mlwyddyn olaf y Cynllun pum mlynedd.

Mae manylion pellach a chefndir yr Amcanion Llesiant ar gael yn y Cynllun Corfforaethol (2018 i 2023) yn y ddolen Caerffili – Bwrdeistref Sirol Caerffili

Byddem yn croesawu eich adborth a’ch barn ar unrhyw gynnwys pellach yr hoffech chi wybod amdano. Mae’r manylion cyswllt ar gael ar ddiwedd y ddogfen hon ar dudalen 49.

Adran 2: adroddiad blynyddol ar amcanion llesiant 2022/23

amcan llesiant 1

Gwella Addysg i Bawb

Adroddiad Amcan Llesiant

Y canlyniadau rydyn ni am eu cyflawni:

Ceisio lleihau effaith tlodi yn y blynyddoedd cynnar.

Codi safonau cyrhaeddiad (sy’n cysylltu â blaenoriaethau 1,2,3 a 5)

Lleihau tlodi ar gyrhaeddiad ar gyfer cymwysterau galwedigaethol ac analwedigaethol er mwyn darparu cyfle cyfartal.

Helpu’r rhai sydd ddim yn gallu dilyn llwybr cyrhaeddiad traddodiadol.

Cefnogi dysgu sy’n galluogi cyfleoedd cyflogaeth i bobl ifanc ac oedolion, gan gynnwys ffocws ar sgiliau yn y dyfodol.

Gwella sgiliau digidol i bob oed.

Gwella’r amgylchedd dysgu.

Diogelu plant a phobl ifanc er mwyn creu hinsawdd ar gyfer dysgu, yn arbennig i’r rhai mwyaf agored i niwed.

Crynodeb Cyffredinol ar ein perfformiad dros bum mlynedd

Mae’r pandemig a’i effaith gwaddol i’w gweld yn y data diweddar a gyflwynwyd gan ein hysgolion. Er ein bod yn perfformio’n dda ar y cyfan, ac yn gwneud cynnydd gyda’r diwygiadau i’r cwricwlwm addysg cenedlaethol ym mhob un o’n hysgolion, mae lefelau presenoldeb disgyblion yn parhau i fod yn flaenoriaeth allweddol i ni. Er bod hon yn duedd genedlaethol, gwelwyd rhywfaint o welliant yn y maes hwn dros y 12 mis diwethaf, fodd bynnag, mae ein ffigurau’n parhau i fod yn is na’r lefelau cyn y pandemig. Mae’r maes hwn yn un rydyn ni’n ei reoli a’i fonitro yn agos. Mae gwaharddiadau a phlant sydd ddim mewn addysg, cyflogaeth na hyfforddiant (NEETS) yn feysydd eraill o bryder, ac rydyn ni’n parhau i weithio gyda’n hysgolion i ddarparu mathau amrywiol o ymyriadau amgen er mwyn gwella’r perfformiad presennol.

Datblygwyd y strategaeth addysg ddiwygiedig ‘Ar Drywydd Rhagoriaeth Gyda’n Gilydd’ o ganlyniad i’r pandemig a’i effaith aflonyddgar, ddilynol ar blant, dysgwyr a phobl ifanc ledled Cymru. Mae ein prosesau hunanwerthuso ein hunain, yn unol â thueddiadau cenedlaethol, yn dangos bod y pandemig wedi effeithio ar rai grwpiau o ddysgwyr yn fwy nag eraill.

Yn benodol:

nid yw dysgwyr agored neu ddysgwyr dan anfantais a dysgwyr ag ADY o reidrwydd wedi cael mynediad at y cymorth sydd ei angen arnyn nhw; mae rhai wedi wynebu heriau gyda dysgu o bell a rhai wrth ail-addasu i ddysgu wyneb yn wyneb. Mae angen i ni gefnogi hefyd y dysgwyr hynny y mae eu hamgylchiadau wedi newid yn ystod y pandemig, sydd ddim o bosibl wedi bod yn y categori hwn o’r blaen.

mae dysgwyr y Blynyddoedd Cynnar ar gam hollbwysig yn eu datblygiad ieithyddol, cymdeithasol, emosiynol, corfforol a gwybyddol. Mae disgyblion mewn perygl o fethu cerrig milltir allweddol yn eu datblygiad, a allai effeithio ar eu datblygiad llesiant emosiynol, cyfathrebu a’u dysgu. Efallai eu bod yn profi heriau penodol wrth geisio canfod ymdeimlad o berthyn yn eu hysgolion neu leoliadau, neu fod i ffwrdd oddi wrth eu teuluoedd.

dealltwriaeth y gallai teuluoedd brofi gorbryder o ganlyniad i gael eu gwahanu oddi wrth eu plant wrth iddyn nhw ddychwelyd i’r ysgol ac mae cefnogi llesiant plant a’u teuluoedd yn hollbwysig ar gyfer sicrhau dychweliad llwyddiannus i addysg a phresenoldeb cyson.

bydd dysgwyr ôl-16 ac sy’n pontio a’r rhai sy’n symud i ddarpariaeth ôl-16 yn pryderu am symud ymlaen i’w camau nesaf, yn ogystal â’u cyflogadwyedd a’u sgiliau yn y tymor hwy. Bydd y dysgwyr hyn wedi profi pwysau ac ansicrwydd, a bydd eu hyder wedi’i effeithio.

heriau penodol ar gyfer trochi dysgwyr yn y Gymraeg sy’n dod o aelwydydd sy’n siarad Saesneg, a dysgwyr sy’n pontio o Flwyddyn 6 i Flwyddyn 7.

Mae natur ein Strategaeth Addysg yn adlewyrchu’r pryderon hyn, ac yn cydnabod a chefnogi gwahanol grwpiau o ddysgwyr yn y ffordd briodol.

Er gwaethaf yr heriau yn sgil y pandemig, mae rhanddeiliaid sy’n ymwneud â byd addysg wedi parhau i fod yn wydn, yn llawn cymhelliant ac yn ymrwymedig i adfer safonau i’r lefelau cyn y pandemig, ac maent yn ymrwymedig i ddarpariaeth effeithiol, cefnogaeth gadarn ar gyfer llesiant ac felly, sicrhau bod dysgwyr yn gwneud cynnydd cyflymach.

Beth lwyddodd eleni a pham

Mae manylion yn erbyn ein canlyniadau penodol yn cynnwys:

Diogelu

Mae blaenoriaethu diogelu yn parhau i fod yn flaenoriaeth allweddol a bod y gefnogaeth a roddir i ysgolion yn effeithiol. Er enghraifft:

Mae gwerthusiadau parhaus gan ymarferwyr yn awgrymu bod ansawdd a chynnwys yr hyfforddiant ar gyfer Penaethiaid/Llywodraethwyr/Darpariaeth Arbennig Ddynodedig ac yn y blaen yn ‘dda iawn’

Mae archwiliadau diogelu yn dangos tystiolaeth o drefniadau diogelu cadarn mewn ysgolion ac maent yn nodi’r cymorth sydd ei angen pan fydd bylchau.

Mae gwiriadau bob chwe mis yn darparu gwerthusiad a dadansoddiad o effaith y cymorth a roddir i ddysgwyr sy’n byw mewn aelwydydd lle mae cam-drin domestig yn bresennol.

Mae ysgolion uwchradd yn datblygu eu cynlluniau gweithredu i’w galluogi i nodi ac ymateb i ddigwyddiadau o aflonyddu rhywiol rhwng cyfoedion.

Mae’r rhan fwyaf o ysgolion yn hyderus bod diogelwch ar-lein wedi’i ymgorffori yn eu polisïau a’u harferion diogelu ac roedd rhai ysgolion yn hyderus iawn.

Safonau a chynnydd dysgwyr

Erbyn Awst 2023, roedd 23 ysgol wedi derbyn Arolwg Estyn ar ôl ail-ddechrau’r fframwaith yn dilyn y pandemig. Mae hyn yn cynrychioli tua 26% o’r holl ysgolion ar draws bwrdeistref sirol Caerffili. Mae canlyniadau’r arolygon Estyn yn gadarnhaol yn gyffredinol. Derbyniodd nifer o ysgolion wahoddiad hefyd i gyflwyno astudiaethau achos o arfer gorau.

Ar ddiwedd y flwyddyn academaidd, roedd 17 ysgol wedi cynnal ‘Tîm o Amgylch yr Ysgol’. Mae’r broses hon yn nodi rhwystrau penodol at gynnydd ac yn nodi’r cymorth sydd ei angen. Mae tystiolaeth dda i awgrymu bod yr Awdurdod Lleol (mewn partneriaeth â’r Gwasanaeth Cyflawni Addysg) yn darparu cymorth effeithiol i ysgolion.

Y Cwricwlwm

Roedd adborth gan benaethiaid yn 2021-22 yn dangos bod y pandemig wedi arafu’r paratoadau ar gyfer y Cwricwlwm i Gymru. Fodd bynnag, mae arolygon Estyn wedi datgan bod ysgolion wedi ymateb yn dda ar y cyfan.

Yn gyffredinol, mae’r weledigaeth ar gyfer y Cwricwlwm i Gymru yn datblygu’n effeithiol ar draws ysgolion, gan ganiatáu syniadau a mentrau newydd. Mae arweinwyr yn sicrhau bod staff yn elwa ar ddysgu proffesiynol, sy’n cael effaith gadarnhaol ar yr addysgu a’r dysgu.

Yn y rhan fwyaf o ysgolion, mae athrawon yn cynllunio’n fwriadol, yn unol â’r chwe maes dysgu a phrofiad ac yn cyfeirio at egwyddorion y pedwar diben. Mae ysgolion yn darparu cwricwlwm eang a chytbwys sy’n adeiladu’n effeithiol ar ddysgu blaenorol y disgyblion. Yn ogystal, mae Estyn wedi nodi bod gweithgareddau cyfoethogi rheolaidd yn ychwanegiadau da i’r cwricwlwm. Gofynnwyd i rai ysgolion gyflwyno astudiaethau achos arfer gorau i’w rhannu gyda’u cyfoedion.

Fodd bynnag, wrth “geisio rhagoriaeth”, rydyn ni eisiau lleihau unrhyw amrywiadau ar draws ysgolion, gan sicrhau bod disgyblion yn caffael sgiliau yn gadarn ar draws pob lleoliad.

Disgyblion Agored i Niwed

Mae’r ddarpariaeth effeithiol sy’n cael ei darparu gan y Timau Cynhwysiant a Gwasanaeth Ieuenctid ar draws y fwrdeistref sirol yn parhau i ddarparu mynediad cyffredinol a chymorth wedi’i dargedu i bobl ifanc a’u teuluoedd. Mae swyddogion hefyd yn parhau i gynyddu gwaith atal digartrefedd drwy ychwanegu prosiect penodol yn y Gwasanaeth Ieuenctid.

Mae arolygon Estyn wedi nodi bod y ddarpariaeth Anghenion Dysgu Ychwanegol (ADY) yn gryf ar y cyfan. Dim ond un ysgol yn y cylch cyfredol sydd wedi derbyn argymhelliad ynglŷn â’u darpariaeth ADY.

Fodd bynnag, rydyn ni’n parhau i gydnabod yr heriau cynyddol a wynebir gan ddysgwyr agored i niwed a/neu'r rhai y nodwyd bod ganddyn nhw ADY yn dilyn y pandemig.

Y ddarpariaeth ôl-16

Mae nifer o strategaethau wedi parhau yn ystod blwyddyn academaidd 2023-24 i atgyfnerthu’r ddarpariaeth ôl-16. Mae cydweithio mewn partneriaeth wedi arwain at gwricwlwm eang sy’n cyflawni gofynion Mesur Dysgu a Sgiliau Llywodraeth Cymru gydag o leiaf 30 pwnc sy’n cynnwys 5 cwrs galwedigaethol.

Mae ysgolion a’r Awdurdod Lleol wedi cytuno gyda’i gilydd ar gyllid ychwanegol i ddarparu darpariaeth leiafrifol a oedd felly’n gwella’r opsiynau sydd ar gael ac yn galluogi i fwy o fyfyrwyr allu dilyn eu dewis pynciau. Trwy gytundebau ar y cyd gyda phenaethiaid, bydd pob myfyriwr ôl-16 yn gallu cael mynediad at ddarpariaethau cyfoethogi, er enghraifft Unifrog a’r Brilliant Club. Bydd gwefan Llwybrau Caerffili yn parhau i dderbyn cymorth wedi’i ariannu.

Mae Partneriaeth Blaenau Cwm Rhymni wedi cynnal noson agored 6ed dosbarth lwyddiannus.

Mae gwaith wedi parhau yn datblygu gwefan Llwybrau ôl-16 Caerffili sydd wedi’i dylunio i gefnogi pobl ifanc drwy ddarparu gwybodaeth ddiduedd ar lwybrau cynnydd ôl-16; yn y flwyddyn ddiwethaf bu i bron 7,500 o unigolion ymweld â’r safle dros 10,500 o weithiau ac edrychwyd ar dros 48,000 o dudalennau. Mae’r safle yn cynnig cymorth i rieni ddewis yr achrediad a/neu’r cwrs galwedigaethol neu analwedigaethol cywir i bobl ifanc ac mae’r adborth a dderbyniwyd ar y wefan wedi bod yn ffafriol.

Mae’r Gwasanaeth Ieuenctid wedi canolbwyntio’n gynyddol ar ystod o achrediadau galwedigaethol lleol a chenedlaethol fel rhan o’u cynnig cwricwlwm.

Mae ein darpariaeth Addysg i Oedolion yn cyflenwi cyfleoedd dysgu safonol ar draws y fwrdeistref sirol i unigolion y tu hwnt i oedran ysgol.

Cymorth i ddysgwyr difreintiedig (y cyfeiriwyd atyn nhw’n flaenorol fel disgyblion sy’n derbyn Prydau Ysgol Am Ddim)

Mae lefelau sylweddol o amddifadedd yn parhau yn yr Awdurdod Lleol, gyda thua 30% o ddisgyblion oedran ysgol statudol yn byw mewn ardaloedd difreintiedig yn yr 20% uchaf yng Nghymru. Mae 14 o’r 110 ardal ym mwrdeistref sirol Caerffili yn y 10% uchaf o’r ardaloedd mwyaf difreintiedig yng Nghymru. Mae 26.4% o ddisgyblion o oedran ysgol statudol yng Nghaerffili ar y gofrestr disgyblion sydd â hawl i brydau ysgol am ddim (dyfynnwyd o Gyfrifiad Ysgolion Blynyddol ar Lefel Disgyblion 2022).

Mae ‘Ysgolion Bro’, menter Llywodraeth Cymru, wedi chwarae rhan gynyddol flaenllaw yn cefnogi disgyblion a’u teuluoedd sy’n cael eu heffeithio’n negyddol gan dlodi.

Mae cyflwyno achrediad y Sefydliad Ymgysylltiad Cymunedol, sy’n annog ymgysylltiad gyda theuluoedd a chymunedau wedi bod yn llwyddiant, ac rydyn ni’n gweld canlyniadau cadarnhaol ar draws agweddau amrywiol ein cymuned, wrth nodi hefyd y gwaith pellach sydd ei angen i atgyfnerthu ein hysgolion i fod yn ‘galon y gymuned’.

Mae Swyddogion Cerddoriaeth hefyd wedi datblygu ystod o fentrau ymgysylltu â theuluoedd a chymunedau, er enghraifft sesiynau aros a chwarae i blant a rhieni, band chwythbrennau sy’n cynnwys disgyblion, aelodau o staff a rhieni.

Sgiliau digidol

Mae adolygiad thematig o sgiliau digidol, a gynhaliwyd gan yr Awdurdod Lleol a’r Gwasanaeth Cyflawni Addysg, yn dangos bod ysgolion yn gwneud defnydd priodol o gyllid Llywodraeth Cymru i wella eu darpariaeth a’u dysgu digidol. Maen gan bron pob ysgol yng Nghaerffili bolisi TG digidol. Mae gan y mwyafrif o ysgolion weledigaeth ddigidol effeithiol lle mae’r pennaeth a’r uwch arweinwyr yn rhannu gweledigaeth strategol glir, sy’n cael ei rhannu gyda’r holl randdeiliaid.

Yn yr ysgolion lle nodwyd arfer da, mae gan y staff ddisgwyliadau uchel o ddysgwyr. Maent yn cynllunio tasgau a gweithgareddau priodol sy’n defnyddio TG i gyfoethogi’r cwricwlwm. Pan mae darpariaeth a sgiliau digidol cryf, mae’r dysgwyr yn trafod eu defnydd o TG yn hyderus. Gall y rhan fwyaf o ddysgwyr ddarparu enghreifftiau o sut mae sgiliau digidol yn bwysig i’r ysgol a’u dyfodol. Gall y rhan fwyaf o ddysgwyr esbonio beth mae’n ei olygu i fod yn gymwys yn ddigidol, gan esbonio ei fod yn datblygu sgiliau datrys problemau a’r gallu i symud o ddyfais i ddyfais oherwydd bod hyn yn darparu cyfres gyffredin o sgiliau. Maent yn deall bod sgiliau digidol yn cael eu datblygu ar draws y rhan fwyaf o’r gwersi.

Pan mae dysgu digidol yn gryf, mae dysgwyr yn mwynhau’r cyfleoedd i ddefnyddio TG a gallant gael mynediad i offer a llwyfannau digidol yn hyderus. Maent yn deall sut y gellir defnyddio TGCh i gyflwyno eu gwaith a gwella eu dysgu. Mae llawer o ddysgwyr yn datblygu ac yn defnyddio eu sgiliau digidol yn effeithiol wrth iddyn nhw symud drwy’r ysgol ac maent yn defnyddio ystod gynyddol o feddalwedd ac offer digidol yn hyderus.

Fodd bynnag, unwaith eto wrth “Geisio Rhagoriaeth”, mae’r Awdurdod Lleol yn awyddus i’r arfer gorau a ddisgrifiwyd uchod fodoli ym mhob ysgol. Felly, cyflwynir rhaglen o gefnogaeth i leihau amrywiaeth ar draws lleoliadau.

Darpariaeth y blynyddoedd cynnar

Cynyddodd y pandemig y risg y gallai rhai plant fethu cerrig milltir allweddol yn eu datblygiad. Gallai hyn effeithio ar lesiant emosiynol, cyfathrebu a datblygiad eu dysgu.

Mae’r Tîm Blynyddoedd Cynnar a Gofal Plant ym maes addysg yn gweithio’n effeithiol mewn partneriaeth â’r Bwrdd Iechyd, sefydliadau gwirfoddol ac eraill fel rhan o Dîm ehangach y Blynyddoedd Cynnar ar draws y fwrdeistref sirol. Mae’r tîm yn cefnogi darparwyr gofal plant cofrestredig ac yn comisiynu gofal plant dan gontract a lleoliadau addysg, yn ogystal â darparu cymorth ymyrraeth gynnar i blant a theuluoedd ag anghenion sy’n dod i’r amlwg.

Mae cam 1 Dechrau’n Deg wedi’i gwblhau yn ardal Tredegar Newydd, gyda phob teulu yn cael cynnig elfennau o gymorth. Fodd bynnag, er mwyn cynyddu argaeledd lleoedd gofal plant yn yr ardal, bydd angen i’r Awdurdod Lleol wneud cynnydd ar brosiect cyfalaf gyda’r ysgol i symud eu darpariaeth meithrin i brif ardal yr ysgol.

Mae 71 o leoliadau gofal plant sy’n gallu darparu lleoedd gofal plant Dechrau’n Deg yn awr ar draws y fwrdeistref sirol, gan gynnwys gwarchodwyd plant a meithrinfeydd dydd i gynnig hyblygrwydd i deuluoedd. O’r 71, mae 8 yn ddarpariaeth cyfrwng Cymraeg, mae 4 yn Gymraeg a Saesneg (Cylch), mae 57 yn Saesneg gyda rhai elfennau o’r Gymraeg ac mae 2 yn gyfrwng Saesneg. Mae mwy o leoliadau gofal plant yn derbyn cymorth i gyflawni’r meini prawf ansawdd i ddarparu’r lleoedd ychwanegol sydd eu hangen.

Mae llwyfan digidol wedi cynyddu hygyrchedd i deuluoedd sy’n gweithio a myfyrwyr plant 3 oed. Mae’r Cynnig Gofal Plant wedi arbed ychydig o dan £3.9 miliwn ar gostau gofal plant i deuluoedd sy’n gweithio a myfyrwyr yn ystod blwyddyn ariannol 2022-23.

Mae Swyddog newydd Hwb y Blynyddoedd Cynnar wedi cymryd cyfrifoldeb dros gynyddu’r wybodaeth am weithgareddau a darpariaeth Cymraeg i blant ag anableddau. Mae’r gwaith hwn yn parhau i fapio gwybodaeth, a’i gwneud yn fwy hygyrch i deuluoedd. Fodd bynnag, mae hyn yn parhau i fod yn ffocws gwaith ar hyn o bryd, ac mae grŵp gorchwyl wedi’i sefydlu i weithio ar hyn.

Cymunedau cynaliadwy ar gyfer dysgu

Mae’r rhaglen fuddsoddi Cymunedau Cynaliadwy ar gyfer Dysgu yn parhau i fod yn rhaglen gyfalaf bwysig, hirdymor sy’n cael ei hariannu ar y cyd gyda Llywodraeth Cymru, sy’n ceisio creu cenhedlaeth o ysgolion yr 21ain ganrif. Mae Band A y rhaglen Cymunedau Cynaliadwy ar gyfer Dysgu bron â dod i ben gyda thair ysgol newydd yn cael eu hadeiladu a thair ysgol wedi'u gwella. Mae gwaith yn mynd rhagddo ar hyn o bryd i gyflwyno rhaglen Band B yr un mor uchelgeisiol.

Gwnaed cynnydd da yn cyflenwi’r Rhaglen Band B. Mae chwe chynnig ysgolion gweithredol ar gamau amrywiol yn eu datblygiad.

Ysgol Gymraeg Cwm Gwyddon

Ysgol Cae’r Drindod

Y Ganolfan ar gyfer Dysgwyr Agored i Niwed

Ysgol Gynradd Llancaeach / Ysgol Fabanod Llanfabon

Ysgol Gynradd Plas-y-felin

Ysgol Y Lawnt / Ysgol Gynradd Rhymni Uchaf

.

Yr hyn nad aeth mor dda a pham

Safonau a chynnydd disgyblion

Yn dilyn arolwg Estyn, nodwyd pedair ysgol a oedd angen gwaith monitro a chefnogaeth dilynol. Mae’r ysgolion a nodwyd fel rhai a oedd angen cefnogaeth ‘ddilynol’ yn gweithio’n weithredol gyda’r Awdurdod Lleol a’r Gwasanaeth Cyflawni Addysg i fynd i’r afael â’r argymhellion yn eu hadroddiadau perthnasol.

Nododd Estyn rai themâu cyffredin ar gyfer gwelliannau, sef:

Hunanwerthuso ysgolion

Darparu her briodol

Cynnydd dysgwyr.

Disgyblion Agored i Niwed

Cynyddodd y nifer o ddisgyblion y nodwyd eu bod yn derbyn addysg ddewisol yn y cartref wedi cynyddu i 91 yn 2020, 136 yn 2021 ac i 176 yn 2022. Ein nifer gyfredol (Ion 2023) o ddisgyblion sy’n derbyn addysg ddewisol yn y cartref yw 209. Mae hyn yn gynnydd sylweddol yn nifer y disgyblion sy’n derbyn addysg ddewisol yn y cartref, o gymharu â thueddiadau cyn y pandemig. Roedd y rhesymau a roddwyd gan rieni dros addysg ddewisol yn y cartref yn amrywiol. Roedd y rhain yn cynnwys y pandemig, materion iechyd meddwl, osgoi’r ysgol, rhesymau meddygol a chyflwyniad statudol y cwricwlwm Addysg Cydberthynas a Rhywioldeb. Mae’r Awdurdod Lleol wedi datblygu system gadarn i sicrhau y bydd rhieni sydd wedi hysbysu eu hysgol eu bod yn dymuno addysgu eu plentyn yn y cartref yn darparu addysg addas.

Mae data ar gyfer disgyblion y nodwyd sydd ddim mewn addysg, cyflogaeth na hyfforddiant (NEET) ar ddiwedd Blwyddyn 11 fel a ganlyn:

2018/19 – 2.2%

2019/20 – 1.7%

2020/21 – 2.2%

2021/22 – 2.8%

Er mwyn lleihau’r nifer o ddisgyblion NEET ymhellach, cyflwynwyd nifer o fentrau i fynd i’r afael â’r problemau sydd wedi codi yn sgil y pandemig. Mae’r rhain yn cynnwys:

Atgyfnerthu gwaith aml-bartneriaeth ar draws yr ALl gan gynnwys y Gwasanaeth Llesiant Addysg, Swyddogion Cyswllt Teuluol a Gweithwyr Ieuenctid.

Defnydd mwy effeithiol o ddata i olrhain ac ymyrryd, darparu cymorth wedi’i dargedu.

Cynyddu cyfranogiad darparwyr allanol.

Wedi’u casglu o’r ymatebion a dderbyniwyd gan 24 ysgol gynradd, nododd Y Rhwydwaith Ymchwil Iechyd mewn Ysgolion ystod o flaenoriaethau ar gyfer yr Awdurdod Lleol. Dywedodd llai na hanner y disgyblion eu bod yn bwyta dogn o ffrwythau neu lysiau bob dydd. Dim ond 50% o’r disgyblion a ddywedodd eu bod yn yfed dŵr bob dydd, er mai dyma yw’r unig ddewis diod sy’n cael ei annog mewn ysgolion Cynradd (ar wahân i laeth/sudd amser cinio). Dim ond 46% o ddisgyblion a ddywedodd eu bod yn gwneud ymarfer corff bedair gwaith yr wythnos.

O ganlyniad, mae’r tîm Ysgolion Iach yn gweithio’n agos gydag Ysgolion Bro i hyrwyddo Ymarfer Corff Dyddiol lle mae pob disgybl yn gorfforol egnïol am 10 munud yn ystod pob diwrnod ysgol. Yn ogystal, mae’r Swyddog Ysgolion Bro ar gyfer chwaraeon a llesiant wedi dechrau gweithio’n agos gyda’r clwstwr o ysgolion y tymor hwn i ddatblygu addysgu addysg gorfforol yn effeithiol mewn ysgolion cynradd. Fodd bynnag, mae’r ddwy fenter ar gamau cynnar eu gweithredu ac mae angen amser i’w hymgorffori.

Mae’r bwlch rhwng y rhywiau yn parhau i fod yn her yn lleol ac yn genedlaethol. Dangosodd Arolwg Chwaraeon Ysgolion bod 41% o fechgyn yn cymryd rhan mewn gweithgareddau chwaraeon wedi’u trefnu y tu allan i’r cwricwlwm dair gwaith neu fwy yr wythnos, o gymharu â 34% o ferched.

Presenoldeb a gwaharddiadau

Mae gwella lefelau presenoldeb disgyblion a lleihau gwaharddiadau yn parhau i fod yn flaenoriaeth arwyddocaol i’r Awdurdod Lleol. Ar ddiwedd blwyddyn academaidd 2022-23, roedd presenoldeb mewn ysgolion cynradd yn 90.9% ar gyfer yr holl ddisgyblion. Mae hyn yn gynnydd o 2% ar y flwyddyn flaenorol. Roedd presenoldeb disgyblion sy’n derbyn prydau ysgol am ddim sy’n mynychu ysgolion cynradd yn 86.5%. Mae hyn yn gynnydd o 2.2% ar y flwyddyn flaenorol. Fodd bynnag, mae presenoldeb cynradd yn parhau i fod 3.8% yn is na’r data cyn y pandemig (2018-19).

Ar ddiwedd blwyddyn academaidd 2022-23, roedd presenoldeb mewn ysgolion uwchradd yn 86.8% ar gyfer yr holl ddisgyblion. Mae hyn yn gynnydd o 3.6% ar y flwyddyn flaenorol. Roedd presenoldeb disgyblion prydau ysgol am ddim yn 79.3%. Mae hyn yn gynnydd o 3.4% ar y flwyddyn flaenorol. Fodd bynnag, mae presenoldeb mewn ysgolion uwchradd yn parhau i fod 7.2% yn is na’r data cyn y pandemig (2018-19).

% presenoldeb Disgyblion yn Ysgolion Caerffili

	2016/17	2017/18	2018/19	2020/21	2021/22	2022/23
Ysgolion Cynradd	94.7	94.5	94.7	94.8	88.9	91.1
Ysgolion Uwchradd	93.3	93.4	94	93.5	83.2	86.8

Ar ddiwedd blwyddyn academaidd 2022-23, mae absenoldebau cyson mewn ysgolion cynradd yn 8.9% ar gyfer yr holl ddisgyblion. Mae hyn yn welliant o 2% ar y flwyddyn flaenorol. Fodd bynnag, roedd absenoldebau cyson yn 2018-19 yn 1.8%

Yn yr un modd, roedd absenoldebau cyson mewn ysgolion uwchradd ar gyfer 2022-23 yn 20%. Mae hyn yn welliant o 3.1% ar y flwyddyn flaenorol. Fodd bynnag, roedd absenoldebau cyson cyn y pandemig (2018-19) mewn ysgolion Uwchradd ond yn 4.2%.

Mae arolygon Estyn yn y 12 mis diwethaf wedi dangos bod prosesau i hyrwyddo presenoldeb rheolaidd yn dda ar y cyfan. Fodd bynnag, erys rhywfaint o amrywiaeth yn y dull gweithredu ac mae strategaethau ar waith i sicrhau cysondeb ar draws pob ysgol. Mae’r data, sy’n adlewyrchu tueddiadau cenedlaethol, yn dangos bod gwella presenoldeb yn parhau i fod yn her yn y cyfnod yn dilyn y pandemig, yn enwedig yn y sector uwchradd.

Gwaharddiadau:

Ar ddiwedd blwyddyn academaidd 2022-23, roedd 305 o waharddiadau cyfnod penodol mewn ysgolion Cynradd (650 diwrnod a gollwyd / 134 disgybl). Mae hyn yn gynnydd o 4% ar y flwyddyn flaenorol. O’r 305 gwaharddiad cyfnod penodol, roedd 197 yn ddisgyblion sy’n derbyn prydau ysgol am ddim = 64.59% o gyfanswm y gwaharddiadau. Mae nifer y disgyblion sy’n derbyn prydau ysgol am ddim sy’n derbyn gwaharddiadau wedi cynyddu 14.76% ar y flwyddyn flaenorol.

Ar ddiwedd blwyddyn academaidd 2022-23, roedd 1566 o waharddiadau cyfnod penodol mewn ysgolion Uwchradd (3940.5 diwrnod a gollwyd / 709 disgybl). Mae hyn yn gynnydd o 17% ar y flwyddyn flaenorol. O’r 1566 gwaharddiad cyfnod penodol, roedd 855 yn ddisgyblion sy’n derbyn prydau ysgol am ddim = 54.6% o gyfanswm y gwaharddiadau. Mae nifer y disgyblion sy’n derbyn prydau ysgol am ddim sy’n derbyn gwaharddiadau wedi cynyddu 2.94% ar y flwyddyn flaenorol.

Ar ddiwedd blwyddyn academaidd 2022-23, roedd 32 gwaharddiad parhaol mewn ysgolion Uwchradd. Mae hyn yn gynnydd o 10% ar y flwyddyn flaenorol. O’r 32 gwaharddiad, roedd 23 yn ddisgyblion sy’n derbyn prydau ysgol am ddim = 71.88% o gyfanswm y gwaharddiadau. Mae nifer y disgyblion sy’n derbyn prydau ysgol am ddim sy’n derbyn gwaharddiadau wedi cynyddu 27.05 % ar y flwyddyn flaenorol.

Fodd bynnag, nid yw arolygon Estyn yn y 12 mis diwethaf wedi nodi unrhyw argymhellion ar gyfer lleihau’r nifer o waharddiadau. Mae’r data, sy’n adlewyrchu tueddiadau cenedlaethol, yn dangos bod lleihau gwaharddiadau yn parhau i fod yn her yn y cyfnod yn dilyn y pandemig, yn arbennig yn y sector uwchradd.

Pa wahaniaeth rydyn ni’n ei wneud

Yn y gwaith blynyddoedd cynnar, mae astudiaethau achos wedi dangos effaith gadarnhaol newid y ffordd mae gwasanaethau’n cael eu cyflenwi i ddull mwy pwrpasol i fynd i’r afael â materion gwraidd er mwyn datrys ‘Beth sy’n Bwysig’ i’r teulu. Mae wedi cymryd amser i alinio ffrydiau ariannu a datblygu dull priodol o adrodd data er mwyn cyflawni anghenion yr holl gyrff ariannu / gofynion ariannu. Fodd bynnag, mae wedi bod yn fwy buddiol i’r timau beidio gorfod meddwl pa ffrwd ariannu neu feini prawf fyddai’n addas a chanolbwyntio’n hytrach ar weithio gyda’r teuluoedd i gyflawni’r nodau ‘Beth sy’n Bwysig’.

Beth rydyn ni wedi’i ddysgu ar gyfer amcanion yn y dyfodol?

O ganlyniad i’r uchod, mae amcanion diwygiedig ‘Dilyn Rhagoriaeth Gyda’n Gilydd’ yn parhau i fod yn berthnasol. Rhestrir yr amcanion hyn isod:

Parhau i ddarparu dulliau cadarn i ddiogelu plant a phobl ifanc sy’n seiliedig ar anghenion a gofynion sy’n dod i’r amlwg fel canlyniad y pandemig.

Cymhwyso arweinwyr gyda’r sgiliau i gael effaith arwyddocaol ar gynnydd, cyrhaeddiad a darpariaeth a llesiant.

Sicrhau bod y Cwricwlwm i Gymru yn cael ei weithredu’n effeithiol.

Cyflymu cynnydd dysgwyr agored i niwed.

Gwella presenoldeb disgyblion a lleihau gwaharddiadau, gan ganolbwyntio’n benodol ar grwpiau agored i niwed.

Gwella’r ddarpariaeth a’r gefnogaeth a roddir i bobl ifanc ymhellach (ôl-16)

Cau’r bwlch cyrhaeddiad rhwng y dysgwyr hynny o gefndiroedd incwm isel a’r rhai sydd ddim yn byw mewn tlodi.

Gwella sgiliau digidol pob dysgwr.

Cyrraedd y targed o 26% o ddisgyblion blwyddyn 1 mewn addysg cyfrwng Cymraeg erbyn 2031.

Cefnogi llesiant disgyblion drwy wella agweddau at ddewisiadau bwyta’n iach a ffitrwydd actif.

Sicrhau y gall y teuluoedd mwyaf agored i niwed, gan gynnwys y rhai mewn tlodi, gael mynediad at gymorth er mwyn rhoi’r dechrau gorau mewn bywyd i’w plentyn.

Drwy’r Rhaglen Cymunedau Cynaliadwy ar gyfer Dysgu, sicrhau bod y fwrdeistref sirol yn darparu nifer digonol o leoedd mewn ysgolion i gyflawni’r galw yn ogystal ag uwchraddio/adnewyddu adeiladau ysgolion, fel y bo’n briodol, er mwyn i ysgolion fod yn addas i’r diben yn yr 21ain ganrif.

amcan llesiant 2

Galluogi Cyflogaeth

Y canlyniadau rydyn ni am eu cyflawni:

Ceisio lleihau effaith tlodi trwy gynorthwyo pobl i gael rhagolygon cyflogaeth gwell.

Cyflawni targedau rhaglenni Cronfa Gymdeithasol Ewrop o gael pobl fedrus ac i mewn i waith.

Bydd y Cyngor yn defnyddio gwerth ei wariant trydydd parti i greu mwy o adfywiad cymdeithasol ac economaidd yn y cymunedau a wasanaethwn.

Defnyddio buddsoddiad yng nghartrefi newydd a phresennol Cartrefi Caerffili i gyflawni canlyniadau gwerth cymdeithasol a gynlluniwyd i fynd i’r afael â thlodi a diffyg gwaith drwy ddarparu cyfleoedd cyflogaeth, prentisiaethau, hyfforddiant a lleoliadau gwaith cynaliadwy a safonol yn ein gweithlu mewnol a’n partneriaid yn ein cadwyn gyflenwi.

Sicrhau bod rhaglenni gwaith sy’n cael eu darparu’n lleol yn alinio ac yn creu’r nifer uchaf o gyfleoedd o Fargen Ddinesig Prifddinas-Ranbarth Caerdydd.

Crynodeb Cyffredinol ar ein perfformiad dros bum mlynedd

Mae’r pum mlynedd ddiwethaf wedi bod yn heriol yn nhermau cyflenwi cymorth cyflogaeth a galluogi cyflogaeth yn uniongyrchol. Er bod y cyfleoedd cyflogaeth eu hunain wedi gwella’n sylweddol, mae gwaddol y pandemig yn golygu bod llawer o’r rhwystrau cymhleth yr oedd pobl yn eu hwynebu wrth geisio dod o hyd i waith, er enghraifft materion iechyd corfforol neu feddyliol, yn golygu eu bod wedi’u dwysáu’n uniongyrchol gan y pandemig ac wedi arwain at lawer o ddarpar gyfranogwyr yn symud ymhellach i ffwrdd o’r farchnad lafur. Bu'r symudiad dros dro oddi wrth gefnogaeth wyneb yn wyneb yn anodd i lawer o'n cyfranogwyr ac roedd angen ffordd arall o weithio i gefnogi cyfranogwyr i gyflogaeth ac ennill cymwysterau cysylltiedig â gwaith addas.

Yn dilyn ymlaen o hyn, mae’r argyfwng costau byw wedi golygu bod ein cyfranogwyr wedi wynebu rhwystrau ychwanegol ac mae ein Mentoriaid wedi gweithio’n ddiflino i’w goresgyn. Mae ganddyn nhw gysylltiadau rhagorol i ddarpariaethau lleol ac maent yn cyfeirio cwsmeriaid yn rheolaidd at wasanaethau eraill, er mwyn mynd i’r afael â rhai o’u hanghenion amrywiol a chymhleth cyn gallu cael mynediad llawn at gyflogaeth. Croesawyd ein cymorth fel dull cadarnhaol o gynyddu eu hincwm.

Rydyn ni wedi bod yn gweithio gyda gwasanaethau ar draws y Cyngor i gefnogi eu cyfranogwyr i gael mynediad at fanciau bwyd, trefnu gwasanaethau allgymorth cyngor dyledion ac yn y blaen. Cafodd atgyfeiriadau gan y Ganolfan Byd Gwaith at ddarpariaeth statudol amgen, er enghraifft Ailgychwyn yn gwasanaethu fel cyrchfan atgyfeirio diofyn i hyfforddwyr gwaith, effaith amlwg ar ganlyniadau mewn ardaloedd daearyddol cysylltiedig, fodd bynnag rydyn ni’n dechrau gweld newid cadarnhaol gyda hyfforddwyr gwaith yn atgyfeirio pobl atom ni.

Er gwaethaf rhai o’r heriau parhaus, mae'r cynnydd gwrthrychol wedi bod yn dda gyda Chymunedau am Waith (C4W) yn ymgysylltu â 576 o gyfranogwyr 25+ oed a chefnogi 209 i mewn i waith a C4W yn ymgysylltu â 705 o gyfranogwyr 16-24 oed ac yn cefnogi 376 i mewn i waith hyd at ddiwedd mis Mawrth 2023.

Mae C4W+, a ddechreuodd gyflenwi yn 2018 wedi ymgysylltu â 1882 o gyfranogwyr ac o 2020 hyd at fis Mawrth 2023 maent wedi cefnogi 502 o bobl i mewn i waith.

Yn fwy diweddar, gyda chyllid Cronfa Gymdeithasol Ewrop (ESF) yn dod i ben a’r ddarpariaeth Cymunedau am Waith ym mis Mawrth 2023, rydyn ni wedi profi sawl newid yn lleol.

Mae strwythur rheoli newydd wedi arwain at uno dwy raglen Gyflogaeth o wahanol feysydd gwasanaeth (o ganlyniad i’r ddarpariaeth Cymunedau am Waith Cronfa Gymdeithasol Ewrop a Pontydd i Waith / Ysbrydoli i Weithio a Sgiliau Gwaith i Oedolion Cronfa Gymdeithasol Ewrop, a NurtureEquip-Thrive o dan y Gyfarwyddiaeth Addysg yn dod i ben) a chyflwyniad cyllid Piler Pobl a Sgiliau Cronfa Ffyniant Gyffredin Llywodraeth y DU sy’n disodli darpariaeth Cronfa Gymdeithasol Ewrop.

	Mae Cymunedau am Waith (CfW) yn rhaglen Llywodraeth Cymru a Chronfa Gymdeithasol Ewrop sy’n cael ei chyd-noddi gan yr Adran Gwaith a Phensiynau.
	Mae Cymunedau am Waith a Mwy (CfW+) yn rhaglen sy’n cael ei hariannu gan Lywodraeth Cymru sy’n gweithredu fel cefnogaeth gofleidiol ar gyfer y prosiect Cymunedau am Waith. Mae’r naill brosiect a’r llall yn gweithio ochr yn ochr i gefnogi’r rhai sy’n ddi-waith ar draws y fwrdeistref sirol, a’r rhai sydd angen chwalu rhwystrau er mwyn dychwelyd i’r gwaith.

Nifer y bobl ifanc sy’n derbyn cymorth I gael Gwaith gan Pontydd I Waith (25+ oed)

	Q1 20/21	Q2 20/21	Q3 20/21	Q4 20/21	Q1 21/22	Q2 21/22	Q4 21/21	Q1 22/23	Q+ oed)2 22/23	Q3 22/23	Q4 22/23
Nifer	103	109	120	106	151	165	186	191	199	213	215
Targed	67	71	77	83	89	93	10	113	116	118	119

Nifer y bobl ifanc sy’n derbyn cymorth I gael Gwaith gan Ysbydoli I Weithio (16-24 oed)

	Q1 20/21	Q2 20/21	Q3 20/21	Q4 20/21	Q1 21/22	Q2 21/22	Q4 21/21	Q1 22/23	Q2 22/23	Q3 22/23	Q4 22/23
Nifer	135	137	141	144	151	165	176	180	184	188	189
Target	115	121	127	133	140	148	161	174	180	188	191

Mae hyn eisoes yn profi i fod yn drawsnewidiad llwyddiannus wrth symud tuag at gynnig ‘rhaglen gyflogadwyedd sengl’ yng Nghaerffili heb unrhyw gyfyngiadau cod post neu faterion cymhwyster anodd, gyda’r tîm yn gallu cefnogi preswylwyr gyda phob agwedd ar gyflogadwyedd ar gyfer cymorth i bobl ddi-waith a chymorth ‘mewn gwaith’ i bobl gyflogedig.

Beth lwyddodd eleni a pham

Mae manylion yn erbyn ein canlyniadau penodol yn cynnwys:

1. Ceisio lleihau effaith tlodi trwy gynorthwyo pobl i gael rhagolygon cyflogaeth gwell

2. Cyflawni targedau rhaglenni Cronfa Gymdeithasol Ewrop o gael pobl fedrus ac i mewn i waith

Ar draws y rhaglenni Cymunedau am Waith a Mwy (CfW+) yn ystod 2022/23 fe wnaethom gynorthwyo 198 o breswylwyr i mewn i waith.

Cafwyd canlyniadau cadarnhaol i’r grŵp oedran 16-24 gyda phobl ifanc yn cael eu cefnogi i mewn i waith. Daeth y gwaith o gyflawni Blaenoriaeth 3 a oedd yn canolbwyntio ar (16-24 oed) yn y rhaglen Cymunedau am Waith a ariannwyd gan Gronfa Gymdeithasol Ewrop i ben ym mis Hydref 2021 ar ôl rhagori ar broffiliau rhaglenni ond parhaodd i gefnogi fel rhan o raglen Cymunedau am Waith a Mwy a oedd yn cael ei hariannu gan Lywodraeth Cymru drwy’r cyllid Gwarant i Bobl Ifanc. Trosglwyddwyd Mentoriaid Ieuenctid Medrus o Cymunedau am Waith i Cymunedau am Waith a Mwy er mwyn parhau i ddarparu cefnogaeth i bobl ifanc 16-30 oed. Ar ddiwedd 2023 roedd y cyllid hwn yn parhau i gael ei ddarparu fel rhan o gynnig ariannu cyffredinol Cymunedau am Waith a Mwy a Llywodraeth Cymru.

Mae ein rhaglenni cyflogaeth yn parhau i ddarparu cefnogaeth wych i’r rhai ag anableddau a chyflyrau iechyd sy’n cyfyngu ar eu gallu i weithio. Yn benodol, llwyddodd y rhaglen CfW+ i gynyddu ymhellach y gyfran o gwsmeriaid ag anabledd neu gyflwr iechyd sy’n cyfyngu ar eu gallu i weithio a gefnogwyd i mewn i waith, gyda 23% (46 o bobl) o swyddi yn cael eu llenwi gan gyfranogwyr gydag anabledd neu gyflwr iechyd sy’n cyfyngu ar eu gallu i weithio.

Rydyn ni wedi cynnal lefelau’r gweithgarwch ymgysylltu yn ystod blwyddyn adrodd 2022/23 drwy weithredu nifer o sesiynau allgymorth wythnosol neu sesiynau galw heibio ledled y fwrdeistref sirol, yn ogystal â defnyddio staff fel Pwynt Cyswllt Unigol er mwyn gallu ymgysylltu’n fwy effeithiol â phartneriaid mewnol ac allanol. Fe wnaethom barhau i ddefnyddio’r cyfryngau cymdeithasol i ymestyn ein cyrhaeddiad gan hyrwyddo’r prosiectau a gweithgareddau cyflogaeth drwy ein llwyfannau ar y cyfryngau cymdeithasol.

Mae gwaith partneriaeth gydag asiantaethau mewnol ac allanol a hyrwyddo eu gwasanaethau ar ein tudalen cyfryngau cymdeithasol wedi’i hen sefydlu, ac mae rhai o’r rhain yn cynnwys ein hadrannau mewnol ein hunain, prosiectau costau byw, cymorthfeydd allgymorth Cyngor ar Bopeth, Grŵp Rhwydwaith Rhieni, Go Connect a Chymdeithas Sefydliadau Gwirfoddol Gwent (GAVO). Drwy weithio mewn partneriaeth gyda’r sefydliadau hyn, mae’n darparu gwybodaeth bellach i’r gymuned leol ar lle y gallant gael cymorth.

Cynhaliodd y tîm ddau ddigwyddiad mawr - y cyntaf yng Nghanol Tref Caerffili - Sioe Deithiol Gyrfaoedd - a drefnwyd gan Dîm Basn a Swyddog Cyswllt Busnes Caerffili. Buom yn hyrwyddo’r cymorth sydd ar gael i sectorau penodol o’r bandstand yng nghanol y dref ac yn y ganolfan siopa. Fe wnaethom hefyd drefnu digwyddiad cymunedol ar raddfa fawr yng Nghefn Hengoed – Gŵyl Gorllewin Canol y Cymoedd, a fynychwyd gan dros 400 o aelodau'r gymuned.

Yn ystod y pandemig bu Academi Caerffili yn cefnogi unigolion i ddechrau mewn nifer o swyddi Kickstart a oedd ar gael fel lleoliadau â thâl i hyrwyddo cymorth i bobl ifanc ddod o hyd i gyflogaeth yn ystod y pandemig drwy fusnesau lleol. Bu cefnogaeth Mentor yr Academi yn hollbwysig i lwyddiant a chadw’r lleoliadau hyn mewn nifer o achosion. Parhaodd y math hwn o gefnogaeth fentora benodol ar hyd 2022/23 gyda Mentor yr Academi yn cefnogi nifer o brentisiaethau tai drwy Cartrefi Caerffili. Tua diwedd 2022/23 mae’r Academi yn cael ei hariannu yn awr drwy Gronfa Ffyniant Gyffredin y DU gyda ffocws ar gefnogi pobl ifanc ac annog lleoliadau â thâl drwy adrannau mewnol gyda’r bwriad o arwain at gyflogaeth fwy cynaliadwy.

Rydyn ni wedi canolbwyntio ar gynyddu recriwtio mewn meysydd sydd wedi bod yn anodd eu llenwi yn hanesyddol. Tua diwedd 2022/23 mae’r tîm cyflogaeth wedi cefnogi’r Tîm Trawsnewid i ddarparu proses recriwtio wedi’i symleiddio, sydd wedi targedu swyddi gwag ym maes gofal yn y sefydliad. Roedd y cynllun recriwtio peilot hwn yn cefnogi meysydd blaenoriaeth yn y Cyngor, gan gynnwys Gofal Cartref ac Ail-alluogi a Gofal Preswyl. Cynhaliwyd yr ymgyrch am gyfnod o chwe wythnos, cyn ac ar ôl y Nadolig a derbyniwyd 197 datganiad o ddiddordeb, cynhaliwyd 68 cyfweliad a chynigiwyd swydd i 43 o bobl.

Mae’r cynllun peilot wedi pwysleisio pwysigrwydd hysbysebu a lleoli, pŵer cydweithio a’r cyfyngiadau amser sy’n wynebu rheolwyr recriwtio wrth recriwtio ar raddfa fawr.

	Byw a Chymorth	Gofal Cartref	Gofal Preswyl
Datganiadau o Ddiddordeb	17%	15%	11%
Cyfwelladau a Fynychwyd	35%	19%	14%
Penodiadau a Gynigwyd	48%	66%	75%

3. Bydd y Cyngor yn defnyddio gwerth ei wariant trydydd parti i greu mwy o adfywiad cymdeithasol ac economaidd yn y cymunedau a wasanaethwn

.

Mae Gwerth Cymdeithasol yn derm eang a ddefnyddir i ddisgrifio effeithiau (neu fuddion) cymdeithasol, amgylcheddol neu economaidd y camau a gymerwn, er enghraifft defnyddio ein ‘pŵer prynu’ i weithio gyda’r rhai yr ydym yn prynu ganddyn nhw i recriwtio prentisiaid, lle bo’n berthnasol i’r pryniant.

Er mwyn nodi ymrwymiadau â gwerth cymdeithasol, mae’r Cyngor yn defnyddio Themâu, Canlyniadau a Mesurau Cenedlaethol Cymru i ymgysylltu â chontractwyr/cyflenwyr i ymrwymo i fesurau gwerth cymdeithasol ac mae system i fesur ymrwymiadau wedi’i nodi sy’n darparu dull cyson o fesur ac adrodd ar werth cymdeithasol sy’n cynnwys, ond nad yw’n gyfyngedig i ganlyniadau sy’n cynnwys creu cyfleoedd hyfforddiant, prentisiaethau a chyflogaeth drwy ddefnyddio cadwyni cyflenwi lleol.

Mae’r fethodoleg Themâu, Canlyniadau a Mesurau wedi’i chynnwys ym mhob proses gaffael briodol; yn ystod blwyddyn ariannol 2022/23 cyflawnwyd cyfanswm o £1.9 miliwn o ‘werth cymdeithasol’. Mae hyn yn cynnwys cyfleoedd cyflogaeth, mentrau’r gadwyn gyflenwi a gwariant ar fentrau addysg a chymunedol.

Mae cyfanswm o bum deg tri (53) o gontractau wedi’u dyfarnu i gontractwyr/cyflenwyr yng Nghaerffili, sy’n cyfateb i gant ac un deg chwech (116) o gontractwyr/cyflenwyr. Mae’r ymgysylltiad gyda’r cyflenwyr hyn yn parhau er mwyn sicrhau bod gwybodaeth a dealltwriaeth o amcanion y Cyngor ynglŷn â chymhwyso gwerth cymdeithasol yn cael eu datblygu a bod ein gwariant trydydd parti yn cael ei wario ar greu mwy o adfywiad cymdeithasol ac economaidd i’r gymuned. Mae’r adborth gan y gadwyn gyflenwi wedi bod yn gadarnhaol ar ddull gweithredu’r Cyngor a’r hyblygrwydd mae’n ei ddarparu. Mae systemau rheoli contractau a gwelliannau parhaus yn cael eu datblygu i sicrhau y gall y gadwyn gyflenwi gyflawni eu targedau a chreu mentrau newydd.

Drwy fuddsoddi yn ein stoc addysg a thai, a darparu prentisiaethau, cyfleoedd hyfforddiant a lleoliadau gwaith yn ein sefydliad, byddwn ni’n cynyddu’r nifer o ddinasyddion lleol sy’n weithwyr medrus a chymwys a chyfrannu at fuddiannau cymunedol.

4. Defnyddio buddsoddiad yng nghartrefi newydd a phresennol Cartrefi Caerffili i gyflawni canlyniadau gwerth cymdeithasol a gynlluniwyd i fynd i’r afael â thlodi a diffyg gwaith drwy ddarparu cyfleoedd cyflogaeth, prentisiaethau, hyfforddiant a lleoliadau gwaith cynaliadwy a safonol yn ein gweithlu mewnol a’n partneriaid yn ein cadwyn gyflenwi

Mae rhaglen adeiladu newydd y Cyngor yn cynnig y cyfle i gefnogi’r economïau sylfaenol a chylchol drwy ddarparu cyfleoedd i uwchsgilio, cynnig cyfleoedd hyfforddiant, prentisiaethau a chyflogaeth. Mae datblygiad safle Ysgol Gyfun Oakdale a’r cyfadeilad byw yn hŷn yn Rhisga yn Nhŷ Darran yn dechrau yn gynnar yn 2023, mae cyfle i ddatblygu rhaglen gynhwysfawr o werth cymdeithasol sy’n cysylltu â chyfleoedd cyflogaeth a hyfforddiant a grëwyd o ganlyniad i fuddsoddiad y Cyngor yn rhaglenni cyflogaeth Llywodraeth Cymru, gan sicrhau bod y rhai sydd bellaf o'r farchnad lafur yn gallu manteisio ar y cyfleoedd a grëir. Mae'r rhaglen adeiladu newydd yn ceisio creu cadwyn gyflenwi leol a fydd yn sicrhau bod buddsoddiad y Cyngor mewn cartrefi newydd yn creu mwy o wariant yn yr economi leol. Creodd tîm Cynnal a Chadw Adeiladau'r Cyngor 10 prentisiaeth arall yn ystod 2022/23 i gefnogi'r rhaglen barhaus o reoli asedau.

5. Sicrhau bod rhaglenni gwaith sy’n cael eu darparu’n lleol yn alinio ac yn creu’r nifer uchaf o gyfleoedd o Fargen Ddinesig Prifddinas-Ranbarth Caerdydd.

Ar ôl i’r Prosiectau a ariannwyd gan Gronfa Gymdeithasol Ewrop ddod i ben ym mis Mawrth 2023, mae’r Rhaglen Cyflogadwyedd yn cael ei hariannu drwy’r Gronfa Ffyniant a Rennir (SPF), y piler Pobl a Sgiliau a chyllid Cymunedau am Waith a Mwy Llywodraeth Cymru. Mae swyddogion o’r tîm Cyflogaeth yn mynychu cyfarfodydd Bwrdd Cyflogaeth a Sgiliau, grŵp Clwstwr yr Awdurdod Lleol (ALl) sy’n cael eu cynnal gan Bartneriaeth Sgiliau Prifddinas-Ranbarth Caerdydd. Ym mis Tachwedd 2022, cynhyrchodd y Bartneriaeth Gynllun Cyflogaeth a Sgiliau 3 blynedd ar gyfer 2022-25 sy’n cael ei ddefnyddio i siapio’r blaenoriaethau sgiliau i gyflogwyr ar draws y rhanbarth a dylanwad y ddarpariaeth a gynigir drwy’r sectorau Addysg Bellach a Dysgu Seiliedig ar Waith. Mae’r cynllun wedi’i siapio gan Fwrdd Cyflogaeth a Sgiliau Prifddinas-Ranbarth Caerdydd. Fel rhan o’r cynllun hwn, mae’r Bwrdd hefyd yn ymwybodol bod cyllid y Gronfa Ffyniant a Rennir yn cael ei ddyrannu i swyddfa Bargen Ddinesig Prifddinas-Ranbarth Caerdydd. Darparwyd cyllid cyfatebol ar gyfer hyn er mwyn darparu cronfa gyffredinol o tua £6.6 miliwn a fydd yn cael ei ddefnyddio wrth ddatblygu ymyriadau sgiliau wedi’u targedu ar draws sectorau blaenoriaeth y rhanbarth. Bydd y Bwrdd yn gweithio’n agos gyda Prifddinas-Ranbarth Caerdydd wrth i ffrydiau gwaith ddatblygu drwy Raglen Twf a Datblygu Clwstwr Prifddinas-Ranbarth Caerdydd, sy’n cynnwys tri phrosiect: Rhaglen Sgiliau; mentrau sgiliau wedi’u Harwain gan y Galw, Digidol, Sero Net a Gweithgynhyrchu Uwch; cyfres o Bartneriaethau Academaidd-Diwydiant; Rhaglen Twf Busnes.

Mae grŵp clwstwr yr ALl yn cael gwybod am gyfleoedd posibl drwy Fargen Ddinesig Prifddinas-Ranbarth Caerdydd, ac mae swyddogion hefyd yn gweithio mewn partneriaeth drwy dimau cyflenwi Pobl a Sgiliau y Gronfa Ffyniant a Rennir Ranbarthol, sy’n cael eu cydlynu gan Gyngor Bwrdeistref Sirol Torfaen. Mae tîm Bargen Ddinesig Prifddinas-Ranbarth Caerdydd yn cynnig trefnu gweithdy diwrnod i arweinwyr sgiliau ar draws yr Awdurdodau Lleol, er mwyn rhannu manylion prosiectau/mentrau sgiliau ac archwilio sut y gallant gydweithio ar brosiectau posibl y Gronfa Ffyniant a Rennir. Mae llawer o’r gwaith a wneir drwy Brifddinas-Ranbarth Caerdydd yn dueddol o ganolbwyntio’n hanesyddol ar raddedigion ac felly, bydd angen i unrhyw waith cydweithredol yn y dyfodol ganolbwyntio mwy ar y rhai sy’n byw mewn cymunedau anodd eu cyrraedd a’r rhai â sgiliau isel/dim sgiliau.

Yr hyn nad aeth mor dda a pham

1. Ceisio lleihau effaith tlodi trwy gynorthwyo pobl i ragolygon cyflogaeth gwell

Yn ystod rhan gychwynnol y flwyddyn, bu gostyngiad sylweddol yn nifer yr atgyfeiriadau i’r rhaglenni cyflogaeth y cyngor yn sgil cyflwyno rhaglenni’r Adran Gwaith a Phensiynau (DWP) ledled y DU (Cymorth wedi’i Dargedu ar gyfer Dechrau mewn Swydd ac Ailddechrau), a ddargyfeiriodd atgyfeiriadau oddi wrth raglenni’r cyngor, lle'r oedd pwysau ar anogwyr gwaith i gyfeirio at raglenni'r Adran Gwaith a Phensiynau fel y dewis cyntaf. Mae hyn wedi gwella wrth i'r tîm weithio'n galed i gynyddu faint o amser a dreulir yn y canolfannau gwaith yn hyrwyddo'r cymorth rydyn ni’n ei gynnig i'r anogwyr swyddi.

2. Bydd y Cyngor yn defnyddio gwerth ei wariant trydydd parti i greu mwy o adfywiad cymdeithasol ac economaidd yn y cymunedau a wasanaethwn

Mae rhywfaint o amwysedd o hyd yn y sefydliad ehangach ynghylch agwedd y Cyngor at werth cymdeithasol, fodd bynnag po fwyaf o feysydd nwyddau rydyn yn eu cyflwyno i’r fethodoleg, y mwyaf o ddealltwriaeth a dysgu sy’n cael eu datblygu gan staff mewn meysydd gwasanaeth unigol. Er i ni ymgorffori nifer o Themâu, Canlyniadau a Mesurau o fewn caffaeliadau, daeth yn amlwg nad oedd y gadwyn gyflenwi (y tu allan i adeiladu) ychwaith yn deall y cysyniad yn llawn. Er mwyn goresgyn y rhwystrau, cynhaliodd ein Swyddogion Perthynas Cyflenwyr fforymau penodol ac apwyntiadau clinig caffael pwrpasol i gefnogi'r gadwyn gyflenwi ac i ddatblygu gwybodaeth a dealltwriaeth. Fel rhan o’n hymgynghoriad â’r gadwyn gyflenwi, codwyd rhai pryderon ynghylch cost ceisiadau trydydd parti sydd eu hangen i fesur gwerth cymdeithasol, felly mae’r tîm yn ystyried ein hopsiynau a’n hymagwedd at fesur gwerth cymdeithasol heb ddefnyddio cymwysiadau trydydd parti.

Pa wahaniaeth rydyn ni’n ei wneud

Fel rhan o’n Buddsoddiad yn y Stoc Tai, rydyn ni’n parhau i gyflogi prentisiaid i gefnogi ein tîm cyflenwi mewnol sydd wedi ymgartrefu’n dda ac sy’n datblygu eu sgiliau.

Rydyn ni wedi cefnogi cyflogwyr lleol i dyfu drwy ddarparu gweithlu, drwy ein rhaglenni cymorth cyflogaeth. Ymhlith y cyflogwyr rydyn ni wedi’u cynorthwyo’n lleol i recriwtio/creu cyfleodd mae: Mekatek, Vetro Recruitment, Matcon, TSS Balustrade, Proctor Brothers, Euroclad, Distinct Crystals, Toybox Project, Pier Consulting, CB Refridgeration, QDL, Evolution Fitness, PMP Recruitment, QDL.

Ymhlith y cyflogwyr eraill yr ymgysylltwyd â hwy ac a gefnogwyd mae Iceland, Robert Price, Dragon Recycling, Alfa, David Lloyd Window Cleaners, Moira Print, Newbridge Memorial, Andrew Scott, Celtic Manor, Hotset, B&M Bargains, Baileys Rendering, Bwrdd Iechyd Aneurin Bevan (a llawer mwy).

Fel elfen bellach i’r cymorth hwn, roedd ein Mentor Academi yn gallu cynnig cymorth ychwanegol i ymgeiswyr pan oedd ei angen, er mwyn sicrhau eu bod yn symud ymlaen i’r cyfleoedd hyn, er enghraifft drwy eu cefnogi i gael mynediad at y cymwysterau ychwanegol a choladu’r gwaith papur angenrheidiol i’w galluogi i ddechrau yn y rôl.

Yn ogystal, mae llwybrau hyfforddiant (gan gynnwys Adeiladu, Lletygarwch, Canolfan Alwadau a HGV) wedi’u darparu i gefnogi’r broses o uwchsgilio pobl leol a chyflawni’r galw mewn busnesau lleol, drwy berthnasoedd a sefydlwyd gan y Swyddog Cyswllt Busnes.

Drwy ymgysylltiad parhaus a thrwy gefnogi’r gadwyn gyflenwi leol i dendro ar gyfer cyfleoedd y Cyngor, mae hyn yn darparu mwy o gyfleoedd ar gyfer adfywiad cymdeithasol ac economaidd. Mae ein data yn darparu tystiolaeth bod nifer o ganlyniadau wedi’u cyflawni yn y gymuned sy’n gysylltiedig â hyfforddiant, prentisiaethau, cyfleoedd cyflogaeth, datblygu’r gadwyn gyflenwi leol a mentrau addysg. Byddwn ni’n datblygu astudiaethau achos penodol ar gyfer y prosiectau y gallwn ni ddysgu ohonyn nhw a’u rhannu gydag eraill.

Beth rydyn ni wedi’i ddysgu ar gyfer amcanion yn y dyfodol?

Mae rhaglen Academi Caerffili yn anelu at ddatblygu cynllun i raddedigion ar gyfer y sefydliad, llwybr mynediad i gyn-aelodau’r lluoedd arfog, rhwydwaith gyrfaoedd cynnar ac ehangu’r ddarpariaeth mentora/cymorth ar gyfer recriwtio a chadw prentisiaid.

Parhau i gynyddu ein gallu i ymgysylltu er mwyn sicrhau ein bod wir yn cyrraedd y cymunedau anoddaf eu cyrraedd. Bydd hyn yn dod yn fwyfwy pwysig gyda’r newid i gyllid y Gronfa Ffyniant Gyffredin (SPF) oherwydd targedau uwch o ran ymgysylltu â chwsmeriaid a mwy o ffocws ar gymorth ‘mewn gwaith’.

Datblygu ein rhwydwaith Pwynt Cyswllt Unigol (SPOC) er mwyn codi ymwybyddiaeth ymhlith darpar bartneriaid atgyfeirio, a dychwelyd i ddigwyddiadau mwy o faint er mwyn codi proffil ein rhaglenni cyflogaeth.

Cyflawni yn llwyddiannus yn erbyn canlyniadau cytûn y rhaglen Cymunedau am Waith a Mwy i sicrhau cyllid ar gyfer y dyfodol.

Cau’r rhaglen Cymunedau am Waith sy’n cael ei hariannu gan Gronfa Gymdeithasol Ewrop yn effeithiol, a datblygu cynlluniau olyniaeth i sicrhau bod staff yn cael eu cynnal ar ddiwedd y rhaglen Cymunedau am Waith sy’n cael ei hariannu gan Gronfa Gymdeithasol Ewrop, gan weithio gyda’r Gronfa Ffyniant a Rennir (SPF) i gael mynediad at gyllid newydd a sicrhau trosglwyddiad di-dor o un rhaglen i’r nesaf.

Mae cydweithredu ac ymgysylltu effeithiol cynnar â'r gadwyn gyflenwi yn cyflwyno mwy o gyfleoedd i gyflawni adfywiad cymdeithasol ac economaidd i'r cymunedau a wasanaethwn. Mae adborth gan y gadwyn gyflenwi yn cadarnhau bod angen i’r dull gweithredu fod yn hyblyg, ac mae defnyddio’r fethodoleg Themâu, Canlyniadau a Mesurau yn rhoi’r gallu i gontractwyr/cyflenwyr ymrwymo i fesurau gwerth cymdeithasol sy’n gymesur â’u busnes a’r cyfleoedd caffael y maent yn gwneud cais amdanyn nhw ac yn eu galluogi i gyflawni'r amcanion a osodwyd gan y Cyngor sy'n gysylltiedig ag ysgogwyr polisi lleol a chenedlaethol.

amcan llesiant 3

Mynd i’r afael â chyflenwad, cyflwr a chynaliadwyedd cartrefi ledled y Fwrdeistref Sirol a darparu cyngor, cymorth neu gefnogaeth er mwyn helpu i wella iechyd a lles pobl

Y canlyniadau rydyn ni am eu cyflawni:

• 1A. Yr holl dai cyngor yn cael eu gwella i fodloni Safon Ansawdd Tai Cymru (SATC) erbyn 2020 (wedi'i ymestyn i fis Rhagfyr 2021 oherwydd y pandemig.)
• 1B. Gweithredu strategaeth rheoli asedau i gynnal cyflwr y stoc dai yn dilyn cyrraedd SATC (Rhagfyr 2020).
• 2.Cynyddu'r ddarpariaeth o dai cymdeithasol newydd, fforddiadwy sy'n bodloni egwyddorion 'Cartrefi am Oes' ac anghenion a nodwyd, tra'n cefnogi rhaglen dai arloesol y llywodraeth.
• 3.Darparu addasiadau i gefnogi iechyd a llespobl yn eu cartrefi a gwneud y mwyaf o'r ddarpariaeth a'r defnydd priodol o gartrefi hygyrch.
• 4. Cynyddu'r cyflenwad o dai drwy gefnogi cyfleoedd i ddod â chartrefi gwag hirdymor yn y sector preifat yn ôl i ddefnydd.
• 5.Mynd i'r afael â phenderfynyddion iechyd a lles gwael drwy wella amodau tai yn y sector preifat.
• 6.Atal digartrefedd a mynd i'r afael â chysgu allan.
• 7.Cynnal tenantiaethau drwy ddarparu ystod o wasanaethau sy'n gysylltiedig â thai yn helpu i leihau tlodi tanwydd drwy wneud cartrefi'n fwy effeithlon o ran ynni a rhoi cyngor i bobl ar y ffordd orau o wresogi eu cartrefi.

Crynodeb Cyffredinol o'n perfformiad dros bum mlynedd

Yn ystod y cyfnod Amcan Llesiant rhwng 2018 a 2023, mae Cartrefi Caerffili wedi cyflawni’n rhagorol ac wedi rhagori ar y disgwyliadau trwy gyfnod cyfnewidiol a digynsail.

Gwnaed cynnydd da i fynd i'r afael â chyflenwi, cyflwr a chynaliadwyedd cartrefi ledled y fwrdeistref sirol a darparu cyngor, cymorth neu gefnogaeth i helpu i wella iechyd a lles pobl.

Yn 2020/21 cafodd y pandemig a'r cyfnodau clo cenedlaethol a ddilynodd effaith sylweddol ar ein cymunedau a bu'n rhaid i ni ail-lunio ar frys sut roeddem yn darparu gwasanaethau. Er gwaethaf y pandemig, mae llawer o'r camau a gymerwyd gennym wedi ein helpu i gyflawni canlyniadau llwyddiannus a pherfformio'n dda, gan wneud gwahaniaeth i fywydau trigolion a thenantiaid Caerffili.

Yn dilyn y pandemig, rydyn ni wedi parhau i weithio'n galed, ond mewn ffordd fwy ystwyth. Rydyn ni wedi addasu rhai o'r ffyrdd rydyn ni’n darparu gwasanaethau, ond rydyn ni’n parhau i gael effaith gadarnhaol, gan sicrhau bod ein cwsmeriaid wrth wraidd popeth a wnawn.

Ar y cyfan, mae Cartrefi Caerffili wedi rhagori ar y disgwyliadau. Fodd bynnag, rydyn ni’n cydnabod bod meysydd lle mae angen i ni wella. Byddwn ni’n parhau i ddysgu, addasu a byddwn ni’n parhau i ddarparu gwasanaeth rhagorol o ansawdd uchel i holl gwsmeriaid Cartrefi Caerffili.

Beth aeth yn dda eleni a pham

Rhoddwyd system TG newydd ar waith gennym yn llwyddiannus a fydd yn ein galluogi i wella'r math o ddata a’r lefel o ddata y byddwn ni’n ei gasglu, a fydd yn gwella'r gwasanaethau a ddarparwn i denantiaid a phreswylwyr.

Rydyn ni hefyd wedi cyflwyno Asesiad Llety Teithwyr Sipsiwn 2022/27 i Lywodraeth Cymru i'w gymeradwyo ac rydyn ni’n aros

1A. Yr holl dai cyngor yn cael eu gwella i fodloni Safon Ansawdd Tai Cymru (SATC) erbyn 2020 (wedi'i ymestyn i fis Rhagfyr 2021 oherwydd y pandemig)

1B. Gweithredu strategaeth rheoli asedau i gynnal cyflwr y stoc dai yn dilyn cyrraedd SATC (Rhagfyr 2020)

Datblygwyd rhaglen rheoli ôl-asedau, ac yn dilyn oedi sylweddol, dechreuodd sawl contract. Mae'r strategaeth rheoli asedau wedi'i dal yn ôl oherwydd y rhyddhau arfaethedig SATC23.

2. Cynyddu'r ddarpariaeth o dai cymdeithasol newydd, fforddiadwy, sy'n bodloni egwyddorion 'Cartrefi am Oes' ac anghenion a nodwyd, tra'n cefnogi rhaglen dai arloesol y llywodraeth.

Mae Strategaeth Tai wedi'i chwblhau'n llwyddiannus. Cytunodd y Cabinet ar y Strategaeth Tai ym mis Hydref 2021. Cynhyrchwyd cynllun cyflawni i wireddu'r strategaeth, a daeth hyn yn weithredol yn ystod 2022/23. Mae'r gwaith ar yr Asesiad o'r Farchnad Dai Leol newydd yn parhau ac er bod problemau wedi bod yn ymwneud â chael gafael ar ddata, mae'r materion hyn wedi'u datrys a rhagwelir cwblhau'r Asesiad o'r Farchnad Dai Leol ar gyfer 2023/24.

Mae'r gwaith dymchwel yn Nhŷ Darren wedi'i gwblhau ac mae cais wedi'i gyflwyno i ddechrau adeiladu cyfadeilad byw diweddarach newydd yn Rhisga. Bydd hyn yn ychwanegu llety mwy priodol ac addas y mae mawr ei angen ar stoc tai Caerffili.

3. Darparu addasiadau i gefnogi iechyd a lles pobl yn eu cartrefi a gwneud y mwyaf o ddarpariaeth a defnydd priodol o gartrefi hygyrch.

Mae amser cyflwyno addasiadau sector preifat yn parhau i gael ei effeithio'n sylweddol oherwydd materion sy'n ymwneud ag argaeledd contractwyr a'r cynnydd enfawr mewn costau materol. Mae darparu gwaith o natur allanol fel estyniadau a rampiau yn ogystal â chawodydd mynediad gwastad wedi cael effaith benodol. Mae 1217 o fân weithiau addasu wedi'u cyflwyno ar gost o £330,614.36. Cyflawnwyd 164 gwaith addasu mawr ar gost o £845,164.00. Mae lefelau boddhad sy'n gysylltiedig ag addasiadau a ddarperir yn parhau i fod yn uchel. Mae gwaith partneriaeth parhaus gyda Gofal a Thrwsio wedi cynorthwyo preswylwyr i dderbyn cymorth ychwanegol drwy ystod o fentrau gan gynnwys y Rhaglen Addasiadau Ymateb Cyflym a'r Grant Byw'n Annibynnol.

Rydyn ni wedi cychwyn gweithio mewn partneriaeth â'r tîm Cefnogi Pobl i ddatblygu'r fenter Tai yn Gyntaf ar gyfer pobl ag anghenion cymhleth. Mae Cefnogi Pobl yn rhan o’r tîm Datrysiadau Tai ac yn darparu cymorth gyda thai, digartrefedd, dyled, budd-daliadau, ôl-ddyledion a chyflogaeth. Mae'r prosiect hwn yn darparu dull gweithredu cynhwysol o helpu pobl i gael llety diogel gyda phecyn cymorth gan dîm ymroddedig.

4. Cynyddu'r cyflenwad o dai drwy gefnogi cyfleoedd i ddod â chartrefi gwag hirdymor yn y sector preifat yn ôl i ddefnydd

Mae'r Tîm Cartrefi Gwag yn llwyddo i gynyddu'r cyflenwad o dai gan ddod â chartrefi gwag yn y sector preifat yn ôl i ddefnydd. Mae grant Tasglu'r Cymoedd wedi'i orffen gyda 66 o grantiau'n cael eu cwblhau; gyda chyfanswm cost o ychydig yn llai na £1.5 miliwn. Mae'r tîm yn parhau i ymgysylltu â chymaint o berchnogion eiddo gwag â phosibl i roi cefnogaeth, cyngor ac anogaeth i ddod â’u heiddo yn ôl i ddefnydd unwaith eto. Cymeradwyodd Llywodraeth Cymru Gynllun Gweithredu Eiddo Gwag 5 mlynedd sy'n cael ei ddatblygu gan y tîm ac mewn partneriaeth â staff perthnasol o feysydd gwasanaeth eraill. Cymeradwywyd y Strategaeth Cartrefi Gwag 'Dim Defnydd Gwag' gan y Cabinet ar 7 Mawrth 2023 ac mae bellach ar waith.

Cwblhawyd 66 o Grantiau Tasglu'r Cymoedd, gan ddod â chartrefi gwag hirdymor yn ôl i ddefnydd gyda chyfanswm gwariant o ychydig o dan £1.5m.

Mae'r Strategaeth Cartrefi Gwag, 'Dim Defnydd Gwag' wedi 'i chymeradwyo ac mae'n cael ei rhoi ar waith i ddod ag eiddo gwag yn ôl i ddefnydd ac yn ystod y flwyddyn daeth 257 eiddo gwag wedi cael eu dychwelyd i ddefnydd.

Nifer yr Eiddo sector preifat gwag sydd wedi dod yn ol I ddefnydd yn ystod y flwyddyn yn Dilyn gweithredu uniongyrchol gan yr awdurdod leol

2018-2019	36
2019-2020	36
2020-2021	5
2021-2022	76
2022-2023	104

Mae adroddiad hefyd wedi'i gymeradwyo i gynnig Grantiau Cartrefi Gwag Cenedlaethol dros y ddwy flynedd nesaf. Mae'r grant yn lansio ym mis Ebrill 2023 gyda gwariant o £2.62 miliwn ar gael.

Cysylltwyd â thros 500 o berchnogion cartrefi gwag er mwyn ymgysylltu â chymaint o berchnogion eiddo â phosibl i ddarparu cefnogaeth, cyngor a’u hannog i ddod â'u heiddo yn ôl i ddefnydd.

Mae benthyciad un perchen-feddianydd wedi'i gymeradwyo mewn perthynas â chartref gwag, ac mae grant trosi wedi darparu 9 uned ychwanegol o lety, gyda 5 ohonyn nhw wedi'u meddiannu.

5. Mynd i'r afael â phenderfynyddion iechyd a lles gwael drwy wella amodau tai yn y sector preifat

Mae'r prosiect Safonau Effeithlonrwydd Ynni Gofynnol (MEES) wedi'i ymestyn ac mae'r tîm yn parhau i fynychu gweithdai a digwyddiadau gwybodaeth yn y gymuned i ddarparu cyngor a chefnogaeth ynni. Gan weithio mewn partneriaeth â Nyth, arweiniodd gostyngiad post wedi'i dargedu at gynnydd o 58% yn atgyfeiriadau Nyth ac o ganlyniad gosodwyd 88 o foeleri newydd o fewn cartrefi ledled y fwrdeistref sirol. Roedd prosiect gorfodi MEES yn llwyddiannus gyda'r rhan fwyaf o landlordiaid sector preifat bellach yn cydymffurfio'n llawn.

6. Atal digartrefedd a mynd i'r afael â chysgu ar y stryd

Cafodd y Cynllun Ailgartrefu Cyflym ei gymeradwyo gan y Cabinet ym mis Medi 2022 a'i gyflwyno wedyn i Lywodraeth Cymru. Mae grŵp strategol a chynllun gweithredu bellach yn cael eu gweithredu; gyda Chydlynydd strategol yn cael ei gyflogi i fwrw ymlaen â'r cynllun a fydd yn cynnwys model Tai yn Gyntaf. Mae Cefnogi Pobl bellach yn rhan o’r gwasanaeth Datrysiadau Tai i wella gwaith partneriaeth a'r cymorth sydd ar gael i'r rhai yn y gymuned sydd fwyaf agored i niwed ac mewn angen.

Cefnogwyd 3940 o bobl i atal digartrefedd ac adeiladwyd 18 o gartrefi newydd i safon Passivhaus.

Mae Strategaeth Digartrefedd newydd yr awdurdod lleol 'Y Cynllun Ailgartrefu Cyflym' wedi'i chymeradwyo a'i chyflwyno i Lywodraeth Cymru. Mae grŵp strategol a chynllun gweithredu yn cael eu datblygu, gydag adnoddau ychwanegol yn cael eu defnyddio i ddatblygu'r strategaeth.

Parhawyd â'r gwaith o ddatblygu prosiect Allweddi Caerffili sy'n chwarae rhan hanfodol yn ein cynllun i atal digartrefedd. Mae Allweddi Caerffili yn brosiect sy'n cael ei arwain gan ein tîm Datrysiadau Tai sy'n helpu landlordiaid preifat i ddod o hyd i denantiaid tymor hir ar gyfer eu heiddo, tra hefyd yn atal digartrefedd, drwy ddarparu mynediad i lety fforddiadwy o ansawdd da yn y sector rhentu preifat. Efallai y bydd ymgeiswyr a allai ddod yn ddigartref yn cael llety drwy Allweddi Caerffili. Bydd y rhai sy'n cael eu hailgartrefu drwy'r prosiect yn cael cynnig cymorth tenantiaeth sy'n cael ei ddarparu gan Grŵp Pobl.

Rydyn ni’n parhau i ddarparu gwahanol fathau o gymorth i bobl sydd naill ai'n ddigartref neu'n wynebu posibilrwydd o fod yn ddigartref, gan gynnwys pobl sy'n cysgu ar y stryd i sicrhau cartrefi diogel a fforddiadwy, gyda mynediad at wasanaethau cymorth a chymorth ariannol.

7. Cynnal tenantiaethau drwy ddarparu ystod o wasanaethau sy'n gysylltiedig â thai yn helpu i leihau tlodi tanwydd drwy wneud cartrefi'n fwy effeithlon o ran ynni a rhoi cyngor i bobl ar y ffordd orau o wresogi eu cartrefi.

Mae Cartrefi Caerffili yn parhau i gynorthwyo tenantiaid i'w galluogi i gyllidebu'n effeithiol, i hawlio'r budd-daliadau lles cywir a lliniaru canlyniadau’r diwygiadau lles. Mae'r tîm yn cyfeirio tenantiaid at asiantaethau fel Cyngor ar Bopeth i denantiaid sydd angen arian, cyngor ar ddyledion a chyngor ar ynni, datblygu perthnasoedd gwaith rhagorol a sicrhau bod y broses atgyfeirio ar gyfer tenantiaid a phreswylwyr yn gadarn. Mae'r tîm cymorth tenantiaeth wedi cynyddu gan roi'r gallu i'r tîm gynnig dull sy'n canolbwyntio ar yr unigolyn o ymdrin â thenantiaid. Yn 2022/23 llwyddodd y tîm i sicrhau £3.02m yn ychwanegol i denantiaid.

Rydyn ni wedi cynnal a gwella'r lefelau o gefnogaeth rydyn ni’n eu darparu er mwyn helpu pobl i reoli eu llety a'u harian. Roedd darparu cymorth ariannol a chyngor i denantiaid a phreswylwyr ar draws y fwrdeistref sirol, yn helpu i liniaru effeithiau’r diwygiadau lles.

Rydyn ni wedi cefnogi tenantiaid i sicrhau eu bod yn gwneud y mwyaf o hawliadau budd-daliadau, ac o ganlyniad cyflawnwyd arbedion ariannol o £3,023,474.65 ar gyfer tenantiaid ein cyngor.

Mae'r prosiect Safonau Effeithlonrwydd Ynni Lleiaf (MEES) wedi'i ymestyn, gan gynorthwyo a chodi ymwybyddiaeth landlordiaid sector preifat o fentrau ynni; Mae'r prosiect wedi bod yn llwyddiannus iawn gyda chyfradd gydymffurfio gyffredinol o 91%.

Cynhyrchwyd incwm ychwanegol i bobl o £5,854,908.70 gan ddefnyddio Grantiau Cymorth Tai.

Yr hyn nad aeth mor dda a pham

Oherwydd anawsterau sylweddol o ran argaeledd contractwyr a deunyddiau, nid oedd y Tîm Tai Sector Preifat yn gallu prosesu a darparu swm y grantiau a'r benthyciadau roeddem yn bwriadu eu gwneud eleni. Yn ogystal, mae cost deunyddiau wedi cynyddu'n sylweddol, sydd wedi effeithio ar nifer y cartrefi sector preifat roeddem yn gallu eu cefnogi.

Cychwynnwyd y gwaith ar Asesiad o'r Farchnad Tai Lleol, ond roedd problemau TG sylweddol wedi arwain at oedi i'r drafft, sydd bellach i'w gyhoeddi yn 2023/24.

Mae'r holl archwiliadau Tai Amlfeddiannaeth trwyddedig yn gyfredol; fodd bynnag, mae gwaith yn parhau i ddal i fyny â'r ôl-groniad o arolygiadau sy'n gysylltiedig â Thai Amlfeddiannaeth nad oes angen trwydded arnyn nhw.

Mae angen i ni wella sut rydyn ni’n hysbysebu a recriwtio am staff gan fod gennym brinder sgiliau mewn meysydd sy'n dod i'r amlwg ar gyfer y busnes yn y dyfodol ac mae angen i ni ddenu talent.

Rydyn ni’n wedi adnabod diffyg casglu data oherwydd materion sy'n ymwneud â TG ac adnoddau sy'n atal perfformiad busnes neu ganlyniadau eraill rhag cael eu dadansoddi ac nid yw'n caniatáu i Cartrefi Caerffili ragweld tueddiadau'r dyfodol ac adnabod cyfleoedd i wella busnes.

3. Darparu addasiadau i gefnogi iechyd a lles pobl yn eu cartrefi a gwneud y mwyaf o ddarpariaeth a defnydd priodol o gartrefi hygyrch

Rydyn ni eisiau gwybod faint o'n stoc dai sy'n hygyrch, ond ar hyn o bryd nid yw ein stoc i gyd wedi'i chategoreiddio, felly nid ydym yn gwybod pa ganran o'n stoc nad yw’n hygyrch. O ganlyniad, gwnaed cynnydd cyfyngedig i gynyddu canran y stoc tai cymdeithasol sydd â chod hygyrchedd. Yn ddiweddar, mae'r Tîm Galwedigaethol Tai wedi recriwtio swyddogion ychwanegol a fydd yn eu galluogi i wneud mwy o waith rhagweithiol yn y dyfodol.

Pa wahaniaeth rydyn ni’n ei wneud

Cefnogwyd 3,602 o denantiaid cyngor, gan gynhyrchu mwy na 3 miliwn o bunnoedd mewn cynilion, lleihau effeithiau diwygiadau lles, a'u helpu i hawlio'r budd-daliadau y mae ganddyn nhw hawl iddyn nhw.

Rydyn ni wedi helpu preswylwyr i leihau eu dyled drwy gael mynediad at £935,510.83 o Grantiau Cymorth Tai, gyda £5,854,908.70 arall o incwm ychwanegol. Mae hyn yn cael effaith sylweddol ar fywydau beunyddiol trigolion Caerffili.

Dosbarthwyd 18 fflat newydd a adeiladwyd i safon Passivhaus, gan nid yn unig gynyddu stoc tai ond hefyd cynorthwyo tenantiaid yn ariannol.

Cyflawnwyd 1217 achos o fân waith a 164 o waith addasiadau mawr gan ganiatáu i breswylwyr barhau i fyw'n ddiogel ac yn annibynnol yn eu cartrefi eu hunain.

Darparwyd 105 o grantiau cyfleusterau i'r anabl ar gost o £659,798.64 gan gynyddu lefelau annibyniaeth.

Parhawyd i weithio mewn partneriaeth â Gofal a Thrwsio gan hwyluso 10 Grant Byw'n Annibynnol a 226 o Addasiadau Ymateb Cyflym wedi’u cwblhau ar gost o £105k gan wella cartrefi a newid bywydau.

Rydyn ni wedi gwella hygyrchedd mewn sawl cynllun cysgodol, trwy weithredu mynediad ramp a rheiliau llaw o fewn ardal gymunedol gan annog preswylwyr i ddefnyddio ardaloedd cymunedol i fynd i'r afael ag unigrwydd ac unigedd cymdeithasol.

Mae 11 o grantiau trwsio cartrefi â blaenoriaeth yn cael eu prosesu gan helpu i wella amodau byw perchnogion tai ac mae 105 o gartrefi gwag hirdymor wedi cael eu dychwelyd i ddefnydd gan y Tîm Eiddo Gwag gan ymgysylltu â pherchnogion.

Mae’r tîm Tai Sector Preifat yn parhau i weithio mewn partneriaeth â Rhentu Doeth Cymru i adnabod eiddo sy’n is na’r safon. O'r 1226 eiddo a nodwyd fel rhai nad ydyn nhw’n cydymffurfio â’r ddeddfwriaeth, mae 1142 bellach yn cydymffurfio'n llawn. Mae hyn yn helpu i godi safonau a gwella amodau byw i'r rhai sy'n byw yn y sector rhentu preifat.

Drwy'r Rhaglen Gyfalaf Llety Trosiannol, rydyn ni wedi prynu 5 eiddo i ddarparu llety yn gyflym er mwyn galluogi pobl i symud ymlaen o lety dros dro.

Rydyn ni’n parhau i ddarparu cymorth tenantiaeth a symudol i'r preswylwyr a'r aelwydydd digartref hynny yn y fwrdeistref sirol sy'n cynorthwyo gyda chynaliadwyedd tenantiaeth. Yn ystod y flwyddyn cynhyrchwyd £5,854,908.70 o incwm ychwanegol i bobl gan brosiectau a ariannwyd gan y Grant Cymorth Tai a chefnogwyd 3940 o bobl i atal digartrefedd.

Rydyn ni’n parhau i gynnal 8 meddygfa gymunedol mewn gwahanol leoliadau ar draws y fwrdeistref sirol gan roi cyfle i drigolion gael mynediad wyneb yn wyneb i dimau Cartrefi Caerffili. Maent yn darparu ystod o wasanaethau cymorth fel cymorth ariannol a chyngor ar dai.

Mae ymgysylltu â landlordiaid rhent preifat yn parhau i godi ymwybyddiaeth o'r safonau effeithlonrwydd ynni. Cefnogir eu tenantiaid i arbed arian a gweithio gyda landlordiaid i gynyddu nifer y cartrefi sy'n gyfeillgar i'r amgylchedd yn y fwrdeistref sirol.

Darparodd partneriaid cymdeithasau tai 174 o gartrefi fforddiadwy newydd, gan gynyddu cyfleoedd tai ar draws y fwrdeistref sirol.

Byddwn ni’n parhau i weithio'n agos gyda'n Tîm Therapi Galwedigaethol a phartneriaid cymdeithasau tai, ac rydyn ni eisoes wedi negodi 5 byngalo hygyrch a fydd yn cynorthwyo i ddarparu tai mwy hygyrch.

Beth rydyn ni wedi’i ddysgu ar gyfer amcanion yn y dyfodol?

• Parhau i gyflwyno system TG newydd a fydd yn ein galluogi i wella'r math o ddata a lefel y data rydyn ni’n ei gasglu, a fydd yn gwella'r gwasanaethau rydyn ni’n eu darparu i denantiaid a phreswylwyr.
• Parhau i addasu i weithredu Deddf Rhentu Cartrefi (Cymru) 2016, a fydd yn sicrhau cydymffurfiaeth â chyfraith tai newydd; gan ei gwneud yn haws i denantiaid rentu eu cartrefi, gan sicrhau bod tenantiaid yn gwybod eu hawliau a'u cyfrifoldebau.
• Mae angen i ni gwblhau ail Arolwg Boddhad Tenantiaid yn Hydref 2023 i gael adborth gwerthfawr gan ein tenantiaid.
• Byddwn ni’n cychwyn ar y gwaith cysylltiedig yn dilyn yr ymateb i'r ymgynghoriad ar SATC2023 gan ganolbwyntio ar ddatgarboneiddio'r stoc dai erbyn 2035, gan gyd-fynd â Strategaeth Rheoli Asedau Cynlluniedig.
• Cyflwyno Strategaeth a Chynllun Cyflawni Tai Lleol newydd, a fydd yn darparu'r cyd-destun ar gyfer darparu tai a gwasanaethau tai ledled y fwrdeistref sirol.
• Cwblhau’r Asesiad o'r Farchnad Tai Lleol newydd, er mwyn rhoi darlun wedi'i ddiweddaru o'r angen am dai ledled y fwrdeistref sirol.
• Mabwysiadu Strategaeth Ail-gartrefu Cyflym a sicrhau bod ein Polisi Dyraniadau Cyffredin yn adlewyrchu unrhyw flaenoriaethau newydd. Bydd hyn yn sicrhau gostyngiad yn yr amser a dreulir mewn llety brys, atal llety rhag torri lawr, cyflwyno eto a mynd yn ôl i gamddefnyddio sylweddau neu droseddu.
• Parhau i ehangu'r ymgysylltiad â landlordiaid i wneud y mwyaf o Allweddi Caerffili i gyflawni dyletswyddau Digartrefedd statudol yn llwyddiannus i'r sector rhentu preifat.
• Sicrhau caniatâd cynllunio llawn a dechrau’r gwaith ar y safle yn Ysgol Uwchradd Oakdale.
• Adnabod safleoedd fel rhan o'r Rhaglen Gyfalaf Llety Trosiannol y gellid ei defnyddio ar gyfer cartrefi modiwlaidd i gynorthwyo gyda'r argyfwng digartrefedd.
• Cyflwyno rhagor o safleoedd fel rhan o raglen ddatblygu'r Cyngor er mwyn cyrraedd y targed o adeiladu 400 o gartrefi fforddiadwy, carbon isel newydd erbyn 2025.
• Parhau i fwrw ymlaen â'r Cynllun Gweithredu Eiddo Gwag gan ddod ag eiddo gwag yn ôl i ddefnydd gan nad yw 'gwneud dim yn opsiwn mwyach'.
• Rydyn ni wedi cychwyn gweithio mewn partneriaeth â'r Tîm Cefnogi Pobl i ddatblygu'r fenter Tai yn Gyntaf ar gyfer pobl ag anghenion cymhleth. Mae'r prosiect hwn yn darparu dull cynhwysol o helpu pobl i gael llety diogel gyda phecyn o gymorth gan dîm ymroddedig. Fodd bynnag, mae gwaith ar y gweill I ganfod y ffyrdd gorau o wella'r rhaglen hon.

amcan llesiant 4

Hyrwyddo system drafnidiaeth fodern, integredig a chynaliadwy sy'n cynyddu cyfleoedd, yn hyrwyddo ffyniant ac yn lleihau'r effeithiau niweidiol ar yr amgylchedd

Y canlyniadau roeddem am eu cyflawni oedd:

1. Gweithio gyda darparu Metro De-ddwyrain Cymru, gan anelu at raglen Trydaneiddio Rheilffyrdd y Cymoedd fel rhan o gyflawni cynllun ehangach Metro De-ddwyrain Cymru.

2.Datblygu Strategaeth a Chynllun Cyflawni Adfywio CBSBC gyda chysylltedd wrth ei wraidd, gan hyrwyddo hygyrchedd, y Metro a gwelliannau digidol a band eang sy'n cefnogi arloesedd ac yn gwella hygyrchedd i bawb.

3. Hyrwyddo adfer gwasanaethau teithwyr i linell reilffordd Nelson i Ystrad o dan raglen y Metro.

4. Hyrwyddo gwelliannau i gysylltiadau rhwydwaith trafnidiaeth Caerffili i Gasnewydd fel rhan o raglen y Metro

5. Hyrwyddo rhwydwaith bysiau cynaliadwy sy'n cefnogi hygyrchedd a chysylltedd yn lleol ac yn rhanbarthol trwy rwydwaith ffyrdd sy'n annog gweithredu bysiau effeithlon.

6. Manteisio i'r eithaf ar gysylltedd trafnidiaeth o fewn a rhwng dulliau teithio drwy integreiddio darparu Cynllun Teithio Llesol Bwrdeistref Sirol Caerffili gyda'r Metro i wella darpariaeth bysiau, rheilffyrdd, cerdded a beicio i gynyddu hygyrchedd ac ychwanegu gwerth at gynigion y Metro.

Crynodeb Cyffredinol o'n perfformiad dros bum mlynedd

Beth aeth yn dda eleni a pham

Mae'r manylion yn erbyn ein canlyniadau penodol yn cynnwys:

1. Gweithio gyda darparu Metro De-ddwyrain Cymru, gan anelu at raglen Trydaneiddio Rheilffyrdd y Cymoedd fel rhan o gyflawni cynllun ehangach Metro De-ddwyrain Cymru.

Cymeradwyodd Llywodraeth Cymru Fap Rhwydwaith Teithio Llesol mabwysiedig y Cyngor ym mis Awst 2022 a chwblhawyd 7 o astudiaethau arfarnu trafnidiaeth Cymru (WelTAG) a ddatblygodd gynlluniau cysyniad ar gyfer y llwybrau Teithio Llesol arfaethedig yn yr ardaloedd hynny a byddant yn bwydo i mewn i'r rhaglen gyflenwi Map Rhwydwaith Teithio Llesol. Dros y blynyddoedd nesaf bydd llif o gynlluniau'n cael eu datblygu, eu dylunio a'u darparu ar gyfer y rhaglen i gyflawni'r Rhwydwaith Teithio Llesol er mwyn defnydd a budd ein cymunedau lleol,

2. Datblygu Strategaeth a Chynllun Cyflawni Adfywio CBSBC gyda chysylltedd wrth ei wraidd, gan hyrwyddo hygyrchedd, y Metro a gwelliannau digidol a band eang sy'n cefnogi arloesedd ac yn gwella hygyrchedd i bawb.

Mae gwaith i ddatblygu rhaglen gyflenwi yn parhau. Mae'r pensaer a benodwyd ar gyfer prosiect Cyfnewidfa Caerffili wedi cwblhau cynllun Cam 3 Sefydliad Brenhinol Penseiri Prydain (RIBA). Mae camau dylunio ffurfiol wedi'u nodi yn ei broffesiwn o ran y gwasanaethau sy'n cael eu caffael a'u darparu. Cynhaliwyd ymgynghoriad rhanddeiliaid a chyhoeddus i lywio'r dyluniad. Cwblhawyd astudiaeth ategol Cam 2 WelTAG hefyd. Bydd ymgynghoriad cyhoeddus a chyflwyno'r cais cynllunio yn digwydd yn 2023/24.

3. Hyrwyddo adfer gwasanaethau teithwyr i linell reilffordd Nelson i Ystrad o dan raglen y Metro.

Ar ôl cwblhau astudiaeth WelTAG ar gyfer Llinell Ganolog Rhymni a gomisiynwyd drwy Trafnidiaeth Cymru, anogwyd cynigion i ddatblygu opsiynau dylunio rhagarweiniol ar gyfer gorsaf Ystrad Mynach. Bydd hyn yn cael ei ddatblygu a'i ymgynghori arno fel rhan o raglen Metro De Cymru.

4. Hyrwyddo gwelliannau i gysylltiadau rhwydwaith trafnidiaeth Caerffili i Gasnewydd fel rhan o raglen y Metro

Ni bu’r cais i Gronfa Codi'r Gwastad a gyflwynwyd i Lywodraeth y DU ar gyfer Cyfnewidfa Caerffili yn llwyddiannus. Bwiriedir archwilio ffynonellau ariannu eraill.

Roedd cynnydd pellach yn y pecyn buddsoddi a ariennir ar y cyd â Llywodraeth Cymru ar gyfer cynlluniau Metro a mwy ar draws y rhanbarth. Y prosiect allweddol ar gyfer y Cyngor o fewn y rhaglen hon yw Cyfnewidfa Caerffili.

5. Hyrwyddo rhwydwaith bysiau cynaliadwy sy'n cefnogi hygyrchedd a chysylltedd yn lleol ac yn rhanbarthol drwy rwydwaith ffyrdd sy'n annog gweithredu bysiau effeithlon

Cyflawnwyd gwelliannau i 23 o arosfannau bysiau eraill ar draws ardal y fwrdeistref sirol yn 2022/23.

6. Manteisio i'r eithaf ar gysylltedd trafnidiaeth o fewn a rhwng dulliau teithio drwy integreiddio darparu Cynllun Teithio Llesol Bwrdeistref Sirol Caerffili gyda'r Metro i wella darpariaeth bysiau, rheilffyrdd, cerdded a beicio i gynyddu hygyrchedd ac ychwanegu gwerth at gynigion y Metro

Mae Trafnidiaeth Cymru wedi dechrau ar y gwaith i gyflawni Rhaglen Trawsnewid Llinellau Craidd y Cymoedd yn unol â'u rhaglen gyflawni ddiwygiedig. Roedd hyn yn cynnwys cyflwyno cerbydau newydd ar y rheilffordd.

Defnyddiwyd cyllid RTA ychwanegol i ddarparu gwefrwyr EV mewn 11 safle arall ar draws y fwrdeistref sirol. Sicrhawyd cyllid ychwanegol yn ystod y flwyddyn i ymgymryd ag astudiaeth WelTAG a dylunio dichonoldeb ar gyfer estyniad arfaethedig Parcio a Theithio Ystrad Mynach. Mae egwyddorion Rheoli Asedau Da yn cael eu cyflwyno i helpu i reoli'r rhwydwaith priffyrdd yn gyffredinol a hefyd i ganolbwyntio ar seilwaith draenio SAB. Mae draenio ac effeithiau newid hinsawdd yn cael eu hystyried yn y gwaith adolygu a datblygu ar gyfer gwaith y Strategaeth Llifogydd sy'n mynd rhagddo i wrthsefyll yr effeithiau newid yn yr hinsawdd.

Yr hyn nad aeth mor dda a pham

Datblygu Strategaeth a Chynllun Cyflawni Adfywio CBSBC gyda chysylltedd wrth ei wraidd, gan hyrwyddo hygyrchedd, y Metro a gwelliannau digidol a band eang sy'n cefnogi arloesedd ac yn gwella hygyrchedd i bawb.

Ni chadarnhawyd unrhyw gyllid i fwrw ymlaen â'r cynigion parcio a theithio ar gyfer rheilffordd Canol Rhymni. Byddwn ni’n parhau i gysylltu â Trafnidiaeth Cymru i hyrwyddo'r cynigion hyn ar gyfer cyllid datblygu pellach.

Hyrwyddo gwelliannau i gysylltiadau rhwydwaith trafnidiaeth Caerffili i Gasnewydd fel rhan o raglen y Metro

Roedd y cais i Gronfa Codi'r Gwastad ar gyfer Cyfnewidfa Caerffili yn aflwyddiannus. Bydd angen archwilio ffynonellau ariannu eraill gan gynnwys cais pellach i Gronfa Codi'r Gwastad yn rownd 3.

Hyrwyddo adfer gwasanaethau teithwyr i linell reilffordd Nelson i Ystrad o dan raglen y Metro

Ni fu unrhyw drafodaethau pellach i ystyried gwasanaethau teithwyr Nelson i Ystrad Mynach. Disgwylir iddyn nhw gael eu hadolygu fel rhan o'r cynigion strategol ehangach sy'n cael eu datblygu ar gyfer Metro De Cymru o dan y Cynllun Trafnidiaeth Rhanbarthol.

Pa wahaniaeth rydyn ni’n ei wneud

Mae datblygu'r cynlluniau Teithio Llesol yn rhoi'r Cyngor mewn sefyllfa gadarnhaol i ymgysylltu â chymunedau lleol wrth i gynigion manwl gael eu datblygu drwy gydol 2023/24. Cyflawnwyd hefyd ychydig o mân waith gwelliannau ar gyfer croesfannau cerddwyr heb eu rheoli a chafwyd gwared ar rwystrau i wella mynediad i'r rhwydwaith.

Mae'r cerbydau newydd a gyflwynwyd gan Trafnidiaeth Cymru ar reilffordd Rhymni wedi gwella ansawdd gwasanaethau rheilffyrdd i deithwyr yn sylweddol. Mae Adroddiad Blynyddol Trafnidiaeth Cymru ar gyfer 2022/23 yn amlinellu peth o'r gwaith a wnaed yn ystod y flwyddyn Trafnidiaeth Cymru: Adroddiad Blynyddol 2022/23 (tfw.cymru).

Rydyn ni wedi darparu gwefryddion mewn 11 safle arall ac er bod gennym rywfaint o ddata defnydd i fesur boddhad defnyddwyr, mae angen i ni weithio ar ei gwneud yn fwy cyfeillgar i'r defnyddiwr.

Beth rydyn ni wedi’i ddysgu ar gyfer amcanion yn y dyfodol?

Mae ymgysylltu'n gynnar â'r gwahanol bartneriaid sy'n ymwneud â chyflawni gwelliannau trafnidiaeth yn allweddol i osod rhaglenni cyflenwi realistig a sicrhau adnoddau wrth i brosiectau ddod yn fwy cymhleth wrth iddyn nhw gyflawni a chymryd mwy o amser i'w datblygu.

Mae angen ymchwil bellach i opsiynau gwefru cerbydau trydan ar y stryd i adnabod yr opsiynau mwyaf hyfyw a phosib i’w cyflawni i'r Cyngor a fydd yn diwallu anghenion ein cymunedau lleol.

Rydyn ni mewn sefyllfa dda i gyfrannu tuag at y ddeialog gyda Llywodraeth Cymru (LlC) a Trafnidiaeth Cymru i'r Cynllun Trafnidiaeth Rhanbarthol gael ei baratoi gan y Cyd-bwyllgor Corfforaethol newydd ar gyfer De-ddwyrain Cymru. Sefydlwyd y Cyd-bwyllgorau Corfforaethol ar 1 Ebrill 2021 drwy ddeddfwriaeth Llywodraeth Cymru ar gyfer pedwar rhanbarth Cymru, sy'n cynnwys awdurdodau lleol ym mhob rhanbarth yn bennaf (10 ar gyfer de-ddwyrain Cymru).

Bydd Cyd-bwyllgorau Corfforaethol yn darparu dull gweithredu mwy cyson gan lywodraeth leol ar gyfer llywodraethu rhanbarthol, cynllunio a darparu gwasanaethau strategol; gan gynnig mecanwaith lle gall y prif gynghorau gydweithio ac ar raddfa i gynllunio a chyflawni'r swyddogaethau strategol allweddol y bydd eu hangen i ymateb ac adfer i'r pandemig diweddar.

Prif swyddogaethau'r Cyd-bwyllgor Corfforaethol yw:

Swyddogaeth paratoi, monitro ac adolygu Cynllun Datblygu Strategol (CDS). Nodir y swyddogaethau hyn yn Rhan 6 o Ddeddf Cynllunio a Phrynu Gorfodol 2004 (fel y'i diwygiwyd gan y Bil).

Swyddogaeth datblygu Cynllun Trafnidiaeth Rhanbarthol – hynny yw swyddogaethau datblygu polisïau ar gyfer trafnidiaeth yn, i ac o ardal y Cyd-bwyllgor Corfforaethol a datblygu polisïau ar gyfer gweithredu Strategaeth Trafnidiaeth Cymru. Mae'r swyddogaethau hyn wedi'u nodi yn Neddf Trafnidiaeth 2000.

Swyddogaeth llesiant economaidd fel y darperir ar ei chyfer yn Rhan 5 y Bil Llywodraeth Leol ac Etholiadau (Cymru). Dyna'r pŵer i wneud unrhyw beth y mae Cyd-bwyllgor Corfforaethol yn ei ystyried yn debygol o hyrwyddo neu wella lles economaidd ei ardal. Bydd hyn yn galluogi'r prif gynghorau, os ydyn nhw’n dymuno, i esblygu'r dulliau rhanbarthol presennol o ymdrin â'r Fargen Ddinesig a'r Fargen Twf i strwythurau'r Cyd-bwyllgor Corfforaethol.

amcan llesiant 5

Creu Bwrdeistref Sirol sy'n cefnogi ffordd iach o fyw yn unol â'r egwyddor datblygu cynaliadwy o fewn Deddf Llesiant Cenedlaethau'r Dyfodol (Cymru) 2015

Y canlyniadau roeddem am eu cyflawni oedd:

• 1.Anelu at leihau anghydraddoldebau iechyd ar draws y fwrdeistref sirol
• 2.Creu lle sy'n cefnogi ffordd iach o fyw.
• Yn cynnwys:
• Cyfrannu tuag at darged Llywodraeth Cymru i leihau cyfraddau ysmygu i 16% erbyn 2020
• Lleihau'r cyfraddau gorbwysau a gordewdra mewn plant
• Deall a mynd i'r afael â'r hyn sy'n helpu i annog pobl i fod yn fwy egnïol yn gorfforol
• 3.Cynyddu ymwybyddiaeth ac argaeledd bwyd iach lleol a fforddiadwy drwy weithio ar draws sectorau i ddatblygu a darparu gweledigaeth ar y cyd ar gyfer gwell system fwyd i gefnogi iechyd a ffyniant trigolion, cymunedau a'r amgylchedd.

Crynodeb Cyffredinol o'n perfformiad dros bum mlynedd

Roedd effaith y pandemig o fis Chwefror 2020 ymlaen yn cyflwyno ystod o heriau digynsail i drigolion y fwrdeistref sirol ac i nifer o'r rhaglenni a gyfrannodd at yr amcan hwn. Hyd heddiw mae ein cymunedau yn dal i deimlo effeithiau'r pandemig ar iechyd a lles ac mae heriau newydd fel yr argyfwng costau byw wedi dod ar ben hynny. Er bod yr angen i gefnogi ein cymunedau yn parhau, gwnaed llawer o gynnydd da yn erbyn yr Amcan Llesiant hwn dros y 5 mlynedd diwethaf.

Beth aeth yn dda eleni a pham

Mae'r manylion yn erbyn ein canlyniadau penodol yn cynnwys:

1 a 2. Anelu at leihau anghydraddoldebau iechyd ar draws y fwrdeistref sirol a chreu lle sy'n cefnogi ffordd iach o fyw

Adroddodd Arolwg Cenedlaethol Cymru 2022/23 fod 11% o oedolion ym Mwrdeistref Sirol Caerffili yn dweud eu bod yn ysmygu ar hyn o bryd, y cyfartaledd cenedlaethol oedd 13%. Roedd hyn yn golygu ein bod yn is na tharged Cymru o 16% erbyn 2020 ac rydyn ni bellach yn gweithio ein ffordd tuag at gyflawni'r uchelgais i Gymru ddod yn ddi-fwg erbyn 2030.

Mae Gwasanaethau Chwaraeon a Hamdden y Cyngor wedi sicrhau £20m o gyllid Codi'r Gwastad, gyda £13.5 miliwn ychwanegol wedi'i ymrwymo gan y Cyngor, i gefnogi Canolfan Hamdden a Llesiant Caerffili newydd. Bydd y cyfleuster newydd, a fydd yn cael ei adeiladu'n agos at gyfleusterau trafnidiaeth gyhoeddus allweddol yng nghanol Caerffili, yn dod yn ganolbwynt hamdden a llesiant blaenllaw ar gyfer y fwrdeistref sirol gyfan.

Bydd gan y ganolfan newydd bwll nofio newydd, yn ogystal ag ystod eang o gyfleusterau ffitrwydd a llesiant i'w defnyddio gan y gymuned gyfan gan gynnwys ystafell ffitrwydd o'r radd flaenaf, a Chanolfan Chwarae weithredol ar gyfer plant ifanc a phobl ifanc yn eu harddegau, cyfleusterau sba a llesiant, ystafelloedd cymunedol i gefnogi iechyd, llesiant a chydlyniant cymunedol a neuadd chwaraeon amlbwrpas. Mae'r datblygiad yn rhan allweddol o Strategaeth Chwaraeon ac Hamdden Egnïol uchelgeisiol y Cyngor sy'n ceisio cael mwy o bobl, yn fwy egnïol, yn amlach.

Bu twf cryf yn aelodaeth canolfannau hamdden gan arwain at gynnydd mewn cyfranogiad ac mae ffocws penodol wedi bod ar raglenni hyfforddi a datblygu wedi'u targedu sy'n arwain at weithlu mwy cynaliadwy a diogel.

Rydyn ni wedi gwneud cynnydd sylweddol gydag ysgolion uwchradd mewn perthynas â chefnogi defnydd cymunedol o'u cyfleusterau chwaraeon a hamdden a pharhau i fuddsoddi mewn cyfleusterau wedi'u targedu i gefnogi'r uchelgais a nodir yn Strategaeth Chwaraeon ac Hamdden Llesol y Cyngor.

Mae buddsoddiadau mewn canolfannau cymunedol lefel uchel sy'n cefnogi dulliau gweithredu mwy cynaliadwy o ddarparu gyda datblygiad parhaus o gynnig digidol, gan ddarparu llwybrau haws i gael gafael ar wybodaeth a chymorth.

Mae'r Cyngor wedi parhau i wneud gwelliannau i reoli tir ar gyfer bywyd gwyllt ac yn fwy cyffredinol ar gyfer yr amgylchedd trwy ystod eang o fentrau e.e. Priffyrdd Draenog, Cadw Natur yn Daclus a Dim Torri Gwair ym Mai. Mae cydnabyddiaeth gynyddol o bwysigrwydd ein seilwaith gwyrdd a glas i'n trigolion. Mae'r Cyngor yn gweithio'n gynyddol gydag ystod o gyrff a sefydliadau eraill sydd ag amcanion a rennir e.e. Partneriaeth Grid Gwyrdd Gwent, gan arwain nid yn unig at gamau integredig ar lawr gwlad ond hefyd at gydgysylltu amcanion yn ehangach.

Cafwyd cyllid allanol sylweddol i sicrhau ystod eang o welliannau a darparu gwasanaethau. Tua £500,000 gan Lywodraeth Cymru sicrhaodd y bydd Coetir Coffa Covid Ynys Hywel yn cael ei weithredu'n barhaus. Roedd gwirfoddolwyr wrthi'n creu'r safle hwn ac mae'n ffurfio un o dri yng Nghymru, gan ddenu ymweliadau gweinidogol rheolaidd. Mae'r Bartneriaeth Leol dros Natur wedi arwain at welliannau bioamrywiaeth ar draws y fwrdeistref sirol a dylai cais llwyddiannus Gwent i'r Gronfa Loteri er mwyn galluogi gwelliannau bioamrywiaeth pellach dros y 3 blynedd nesaf.

% plant 11 oed sy’n gallu nofio 25 metr (Blynyddol)

	2017/2018	54%
	2018/2019	47%
	2019/2020	36.5%
	2020/2021	-
	2021/2022	66%
	2022/2023	47%

Mae'r Rhaglen Datblygu Gwledig yn cael ei dirwyn i ben yn ei ffurf bresennol ond mae'r dyraniadau grant presennol yn cael eu dosbarthu'n llwyddiannus i ystod eang o fentrau gwledig ym mwrdeistrefi sirol Caerffili a Blaenau Gwent. Bydd sicrhau Cyllid Ffyniant a Rennir yn caniatáu i'r prosiect hwn barhau ynghyd â swydd y Swyddog Iechyd a Llesiant a wnaed eleni. Mae'r Grŵp Gweithredu Lleol, dan gadeiryddiaeth allanol, wedi gweithredu drwy gydol cyfnod y rhaglen.

Mae tystiolaeth anecdotaidd yn dangos bod y defnydd o barciau gwledig yn parhau i fod ar lefel debyg i'r hyn yn ystod y pandemig yn 'hwb' pan wnaeth y cyhoedd fwy o ddefnydd o fannau gwyrdd lleol. Cadwodd pob parc gwledig a mynwentydd cofrestredig eu statws Baner Werdd gyda Pharc Gwledig Penallta hefyd yn ennill y wobr.

Mae'r ddarpariaeth o feysydd chwarae, parciau sglefrio a thirlunio ehangach a wneir fel rhan o raglen wella SATC wedi'i chwblhau i raddau helaeth gan arwain at gynnydd sylweddol yn y ddarpariaeth a'r defnydd o offer. Yn yr un modd, mae'r prosiect Triongl Antur wedi'i ganoli o amgylch Camlas Mon Brec a Mynydd Maen, gan gynnwys Twmbarlwm, wedi'i gwblhau'n llwyddiannus gan ddarparu gwell mynediad a chyfleoedd hamdden. Gwnaed llawer o'r gwaith hwn gan ffermwyr a chontractwyr lleol.

Sicrhawyd rhandiroedd newydd a'u darparu yn Oakdale trwy gydweithio â Cartrefi Caerffili.

Fel rhan o Deithiau Cerdded Iach, mae ein hamserlen lawn o deithiau cerdded yn ôl yn ei lle ac yn profi'r un mor boblogaidd â lefelau cyn y pandemig, gyda Pengam Strollers, Penallta Strollers, Bedwas Strollers, Islwyn Ramblers, Caerphilly Ramblers a Grŵp Antur Caerffili i gyd yn cefnogi teithiau cerdded wythnosol.

Mae Cyfres Her Caerffili yn parhau i fynd o nerth i nerth. Ym mis Mai 2022 ymwelodd y gyfres her â Cross keys gyda Thaith Twmbarlwm. Bu'r diwrnod yn llwyddiant ysgubol gyda 350 o bobl o bob gallu ac oedran yn cymryd rhan, gan fod o fudd i'w hiechyd (yn gorfforol ac yn feddyliol) ac yn mwynhau mannau gwyrdd Caerffili. Roedd 75 o wirfoddolwyr wedi helpu i gyflwyno'r digwyddiad ac roedd adborth gan gyfranogwyr yn gadarnhaol.

Mae ein Cynllun Datblygu Hyfforddiant Gwirfoddolwyr yn parhau i dyfu gyda mwy o wirfoddolwyr yn cymryd rhan mewn teithiau cerdded arweiniol. Hyd yma mae hyfforddiant wedi digwydd mewn teithiau cerdded iach yn arwain, Hill a Moorland yn arwain, arwain Mynyddoedd, gwobrau llywio cenedlaethol a chymorth cyntaf awyr agored.

Mae Partneriaeth Tirwedd Caerffili wedi parhau â gweithgareddau ymgysylltu â'r gymuned drwy weithio mewn partneriaeth agos â Bwrdd Iechyd Prifysgol Aneurin Bevan (BIPAB). Mae hyn wedi dilyn ymgysylltu uniongyrchol a hyrwyddo'r prosiect a'i nod o annog aelodau i fwynhau'r dirwedd ar garreg eu drws, a phrofi manteision iechyd a lles cerdded. Mae Rhacca Ramblers wedi parhau ar ôl cwblhau'r prosiect yng Ngraig y Rhacca. Yn dilyn cymorth cyntaf brys awyr agored a hyfforddiant arweinydd cerdded, mae'r gwirfoddolwyr cymunedol yn parhau i arwain y daith wythnosol heb staff BIPAB yn annibynnol. Yn anffodus, ni allai unrhyw wirfoddolwyr gael eu recriwtio i alluogi teithiau cerdded i barhau ym Mharc Lansbury.

Fel rhan o Bartneriaeth Tirwedd Caerffili, mae'r holl lwybrau cerdded iach bellach wedi cael eu hadolygu a'u graddio yn unol â lefel y gwaith sydd ei angen i godi i'r safon. Mae'r holl ganllawiau cerdded wedi cael eu diweddaru ac mae disgwyl iddyn nhw gael eu hychwanegu at wefan y Mannau Gwyrdd. Mae cynllun o waith corfforol wedi'i greu sy'n cynnwys cyfeirnodi ar y llwybr. Mae brand newydd wedi'i greu a fydd yn cael ei gyflwyno a'i hyrwyddo dros y flwyddyn nesaf.

Mae'r Tîm Gorfodi Amgylcheddol wedi cael ei gydnabod eto gan Lywodraeth Cymru am eu camau yn erbyn tipio anghyfreithlon, gan gynnwys adroddiad a ryddhawyd ym mis Medi 2022 gan Lywodraeth Cymru a datgelodd Taclo Tipio Cymru mai Caerffili oedd y trydydd awdurdod lleol uchaf yng Nghymru ar gyfer erlyniadau tipio anghyfreithlon llwyddiannus.

Y llynedd rydyn ni wedi parhau i addysgu a chodi ymwybyddiaeth o wahardd cŵn o gaeau chwaraeon a oedd yn cynnwys posteri a phatrolau newydd ar benwythnosau mewn gemau chwaraeon ieuenctid i godi ymwybyddiaeth o bwysigrwydd ardaloedd diogel a glân i chwaraeon gael eu chwarae arnyn nhw.

Wrth i ffigurau tipio anghyfreithlon godi bob blwyddyn dros y 3 blynedd diwethaf, rydyn ni wedi edrych ar ddefnyddio cyfryngau cymdeithasol yn well (tudalen Facebook Virocrime CBSC) a thechnoleg newydd gan gynnwys camerâu cylch cyfyng newydd. Cafodd y 3 chamera CCTV newydd eu gosod ledled y fwrdeistref sirol. Nid yw'r camera peilot a osodwyd i'r gogledd o'r fwrdeistref sirol mewn man tipio anghyfreithlon hanesyddol wedi gweld unrhyw achosion o dipio ers cyflwyno'r camera ychydig dros 12 mis yn ôl. Mae hyn yn amlygu’r modd y gall y camerâu atal tipio.

Nifer cosbau penodedig a gyhoeddwyd am dipio anghyfreithlon a dyletswydd gofal deiliaid tai

	Q1 2021-2022	7
	Q2 2021-2022	17
	Q3 2021-2022	19
	Q4 2021-2022	26
	Q1 2022/2023	10
	Q2 2022/2023	14
	Q3 2022/2023	3
	Q4 2022/2023	19

Yn ystod y flwyddyn fe wnaethom gyhoeddi 4 Hysbysiad Cosb Benodedig am faw cŵn a pheidio â chael y modd i godi, 22 Hysbysiad Cosb Benodedig a roddwyd am daflu sbwriel a 46 Hysbysiad Cosb Benodedig a roddwyd ar gyfer tipio anghyfreithlon a dyletswydd gofal deiliad tŷ.

Rydyn ni wedi ymweld ag archfarchnadoedd lleol ledled y fwrdeistref sirol gan roi gwybodaeth a chyngor ar ddyletswydd gofal deiliaid tai ac rydyn ni’n gweithio ar gyflwyniad ar faterion fel baw cŵn sbwriel a thipio i'w rhoi mewn ysgolion lleol i atgyfnerthu'r neges ymhellach.

3. Cynyddu ymwybyddiaeth ac argaeledd bwyd iach lleol a fforddiadwy drwy weithio ar draws sectorau i ddatblygu a chyflawni gweledigaeth ar y cyd ar gyfer gwell system fwyd i gefnogi iechyd a ffyniant trigolion, cymunedau a'r amgylchedd

Mae'r Tîm Datblygu Bwyd wedi bod yn brysur iawn yn sefydlu Rhwydwaith Bwyd Caerffili a'i wneud yn addas i'r diben. Rydyn ni bellach wedi sefydlu grŵp llywio sy'n cynnwys sefydliadau sector preifat, trydydd sector a bwyd ledled Caerffili a fydd yn arwain ar Ddatblygu'r Rhwydwaith i weithio'n gydlynol ac er budd pawb. Mae'r rhwydwaith yn cynnwys 23 o sefydliadau bwyd fel aelodau Fare Share, Cydweithfeydd Bwyd, Banciau Bwyd a phaneli Bwyd.

Rydyn ni wedi targedu'r sefydliadau bwyd cymdeithasol ac wedi dod â nhw at ei gilydd mewn digwyddiad cymdeithasol fel y gallent ddysgu oddi wrth ei gilydd a rhannu syniadau ac awgrymiadau. Roedd hyn yn llwyddiannus iawn ac fe'i cynhaliwyd mewn menter gymdeithasol sydd hefyd yn ganolfan fwyd a chaffi yng Nghanol Tref Caerffili.

Cynhaliwyd digwyddiad amser cinio cynaliadwyedd bwyd yn y Coleg lleol a oedd wedi'i dargedu at gynhyrchwyr, tyfwyr a gweithgynhyrchwyr bwyd. Cafodd y bwyd ei goginio a'i weini gan fyfyrwyr y coleg a roddodd gyfle iddyn nhw arddangos eu sgiliau i ddarpar gyflogwyr a hefyd caniatáu i'r coleg ddarparu gwybodaeth am gyfleoedd addysg a hyfforddiant i'r cyflogwr a'r gweithiwr. Ysgogodd y digwyddiad lawer o drafodaeth ynghylch cydweithio a bydd yn sail i'r digwyddiad nesaf.

Rydyn ni’n ffodus iawn o gael cefnogaeth Archfarchnad Morrisons fel rhan o'n Hyrwyddwr Coginio Cymunedol sydd wedi profi i fod yn llwyddiant mawr yn darparu cyrsiau coginio 8 wythnos i ddysgwyr drwy raglen Gofal Caerffili y maent yn ei mynychu un diwrnod yr wythnos ac yn dysgu sut i goginio prydau maethlon ac iach. Bydd cyfranogwyr yn derbyn popty araf ar ôl cwblhau'r cwrs a’r gobaith yw y byddant yn symud ymlaen i gyfleoedd dysgu eraill a gynigir gan ein partneriaid mewn Addysg Gymunedol a phrosiect Lluosi.

Mae'r Tîm Datblygu Bwyd yn parhau i fynychu clybiau busnes a hyrwyddo gwaith Rhwydwaith Bwyd Caerffili i gefnogwyr posib.

Mae tlodi bwyd ac ansicrwydd bwyd wedi dod yn broblem fawr yn ein cymunedau ledled Caerffili. Mae'r angen am gymorth banciau bwyd wedi cynyddu yn ardal Cwm Rhymni Uchaf yn unig 95% yn ystod 3 mis cyntaf eleni rhwng Ionawr a Mawrth 2023.

Mae gennym Gydweithfa Bwyd, sef 'Ymddiriedolaeth Michael Climer' sy'n gweithredu o eglwys y Drindod Sanctaidd yn Ystrad Mynach sy'n cynnig mynediad i fagiau bwyd am £2.50 y bag. Maent yn cynnig lle i gael sgwrs, gofyn am gyngor a chael mynediad/cyfeirio at Dîm Gofal Caerffili yn ogystal â thorri gwallt a thrin y rhai sydd yn yr angen mwyaf trwy gysylltu â gwirfoddolwyr trwy fusnesau trin gwallt a salon ewinedd. Ynghyd â chefnogaeth yr ysgolion lleol, mae'r prosiect yn enghraifft anhygoel o gymuned yn tynnu at ei gilydd ac yn gwneud gwahaniaeth go iawn. Mae'r nifer sy'n defnyddio'r prosiect wedi cynyddu i 100 o bobl o 30 ar ddechrau'r flwyddyn.

Byddwn ni’n recriwtio pum Swyddog Datblygu Bwyd a fydd yn gweithio un diwrnod yr wythnos dros 5 lleoliad daearyddol a byddwn ni’n darparu cefnogaeth drwy gysylltu â'r rhwydwaith i roi adborth ar sut y mae prosiectau yn dod yn eu blaen. Byddant hefyd yn cael eu hyfforddi i ddarparu dosbarthiadau coginio ar gyfer prydau bwyd cost isel iach.

Cyfrannodd Safonau Masnach at ddatblygiad pellach adnodd alergenau amlieithog Grŵp Bwyd Gwent Fwyaf. Cafodd pedair iaith arall eu hychwanegu a'u lansio yng Nghynhadledd y Sefydliad Safonau Masnach Siartredig ym mis Mehefin 2022. Rydyn ni hefyd wedi cynhyrchu dogfen ymwybyddiaeth alergenau o ddiddordeb arbennig i ysgolion a gafodd ei bostio ar y porth Iechyd a Diogelwch mewnol. Rydyn ni hefyd wedi cynnal arolwg alergenau bwyd ar y cyd â Safonau Masnach Torfaen i asesu darpariaeth gwybodaeth am alergenau i ddefnyddwyr a phresenoldeb alergenau mewn bwyd heb ei becynnu ymlaen llaw. Rhannwyd y canlyniadau gyda'r Asiantaeth Safonau Bwyd ac elusennau anaffylacsis. Mae'r ffrwd waith yn cefnogi busnesau i gydymffurfio â gorsensitifrwydd i fwyd ac yn helpu i atal marwolaethau y gellir eu hosgoi.

Yr hyn nad aeth mor dda a pham

1 a 2. Anelu at leihau anghydraddoldebau iechyd ar draws y fwrdeistref sirol a chreu lle sy'n cefnogi ffordd iach o fyw

O fewn y Gwasanaethau Hamdden bu problemau o ran hyfforddi, recriwtio a chadw tiwtoriaid nofio sy'n arwain at raglen aflonyddgar ac anghyson. Rydyn ni’n cymryd ymagwedd wedi'i thargedu at ddatblygu'r gweithlu ac archwilio rolau swyddi amgen.

Nid oedd Canolfan Athletau Oakdale yn denu lefel y defnydd a ragwelwyd, felly byddwn ni’n datblygu rhaglenni newydd i gefnogi ystod ehangach o fynediad ac ymgysylltu a fydd, gobeithio, yn cynyddu lefel y defnydd.

Mae heriau'n parhau o ran annog aelodaeth a chefnogaeth Pwyllgorau Rheoli Canolfannau Cymunedol ac mae dolen i raglen wirfoddoli'r cyngor yn cael ei harchwilio.

Ar draws y maes Datblygu Chwaraeon mae lefelau cyfranogiad wedi cynyddu, ac rydyn ni bellach wedi cynyddu cyfleoedd ers i chwaraeon ddychwelyd ar ôl y pandemig, ond nid yw'r targed cyffredinol wedi'i gyflawni ers y pandemig. Bu ffocws clir ac ysgogiad wrth ddatblygu ein llwybr arweinyddiaeth sydd wedi cynnwys uwchsgilio gwirfoddolwyr, arweinwyr a hyfforddwyr mewn cyrsiau arweinyddiaeth/hyfforddi i'w galluogi i fodloni gofynion ein tirwedd darpariaeth chwaraeon. Er nad yw hyn yn berffaith, bu gwelliant sylweddol yn y broses o recriwtio hyfforddwyr achlysurol â thâl sydd wedi cynyddu ein darpariaeth gwersylloedd chwaraeon yn ystod misoedd Hydref, Chwefror ac Ebrill a'r gefnogaeth y gallwn ei darparu i chwaraeon allgyrsiol.

Bu ffocws penodol ar ein rhaglen Hyfforddwyr y Dyfodol gyda mentora gan Swyddogion Datblygu Chwaraeon a'n swyddog cefnogi'r gweithlu sydd hefyd wedi creu safon uchel o hyfforddwyr ar gyfer ein darpariaeth chwaraeon yn y dyfodol.

Cymerodd ein disgyblion ysgol gynradd ac uwchradd ran yn Arolwg Chwaraeon Ysgol Chwaraeon Cymru 2022 . Rhyddhawyd y data hwn ym mis Medi 2022 ac mae'r canlyniadau wedi ein galluogi i wneud cymariaethau cenedlaethol a rhanbarthol â barn plant a phobl ifanc ynghylch lefelau cyfranogi a'u lles. Mae'r data hyn wedi ein llywio a'n tywys i ddarparu chwaraeon yn y fwrdeistref sirol yn y dyfodol ar gyfer cynllun 2023/24 ochr yn ochr â'n Strategaeth Chwaraeon a Hamdden Egnïol.

Ni welwyd y gostyngiad disgwyliedig mewn ôl-gronni addasiadau i'r rhwydwaith Hawliau Tramwy Cyhoeddus eleni, ond mae'r system yn ymateb i hawliadau a wnaed a chymhlethdod. Ychydig y gellir ei wneud i reoli'r hawliadau sy'n cael eu gwneud gan fod rheolaeth y tu hwnt i'r Cyngor a gallai rhyw fath o ailflaenoriaethu fod o fudd.

Mae wedi bod yn flwyddyn siomedig i löyn byw Brith y Gors yng Ngwarchodfa Natur Genedlaethol Glaswelltiroedd Aberbargoed. Mae blynyddoedd da a drwg yn ddibynnol iawn ar y tywydd ac yn bennaf y tu hwnt i'n rheolaeth, fodd bynnag, mae'r cynefin sydd ei angen ar gyfer adferiad yn ei le ac yn cael ei reoli'n dda.

3. Cynyddu ymwybyddiaeth ac argaeledd bwyd iach lleol a fforddiadwy drwy weithio ar draws sectorau i ddatblygu a chyflawni gweledigaeth ar y cyd ar gyfer gwell system fwyd i gefnogi iechyd a ffyniant preswylwyr, cymunedau a'r amgylchedd.

Wrth ddatblygu bwyd, rydyn ni wedi dysgu canolbwyntio ar ardaloedd bach i ddatblygu ein gallu ac annog y mudiadau gwirfoddol i gyfrannu at gyflawni prosiectau ac arwain ar yr hyn sy'n gweithio'n dda yn eu meysydd penodol.

Mae'r Cynllun Ysgolion Iach yn mynd trwy gyfnod trawsnewid mawr a fydd, gobeithio, yn cael ei gwblhau ym mis Ionawr 2024. O ganlyniad, nid yw ysgolion wedi gallu ennill achrediad eleni.

Pa wahaniaeth rydyn ni’n ei wneud

O fewn y Gwasanaethau Hamdden, rydyn ni wedi ei gwneud yn haws i drigolion gael gafael ar wybodaeth berthnasol trwy welliannau parhaus mewn datblygiadau digidol. Rydyn ni hefyd wedi parhau i ddarparu lefelau uchel o fynediad am ddim a gostyngiadau i gyfleoedd chwaraeon a hamdden trwy raglenni a mentrau wedi'u targedu. Fel gwasanaeth, rydyn ni wedi darparu ystod o gyfleoedd i'n cymunedau gymryd rhan mewn cyfleoedd gwirfoddoli, gyda chefnogaeth hyfforddiant ac uwchsgilio ac wedi cyflwyno prosiect agoriadol Gŵyl y Banc peilot yng Nghanolfan Hamdden Trecelyn i gefnogi teuluoedd i gymryd rhan mewn chwaraeon a hamdden egnïol am gyfnodau ychwanegol.

Gwnaed llawer o wahaniaeth, gan amddiffyn, cynnal a gwella ein hamgylchedd, ond mae llawer o'r gwahaniaeth yma yn rhywbeth hirdymor ac yn gronnol, heb fod yn gwbl amlwg. Mae'n amrywio o effeithiau polisi strategol hyd at weithiau ymarferol ar lawr gwlad a allai fod o fudd i rywogaeth benodol, er enghraifft cyflwyno blychau gwenoliaid. Mae'r meysydd lle gwnaed gwahaniaeth yn cynnwys datgarboneiddio, gwarchod bywyd gwyllt a thirweddau, buddion hamdden ac iechyd y cyhoedd, cynnal cyfleusterau ynghyd â rheoli rhywogaethau a phathogenau ymwthiol. Mae'r cyhoedd wedi elwa o'r swm sylweddol o gymorth grant a ddenwyd sy'n helpu i gefnogi a gwella cyfleusterau er enghraifft rhandiroedd, mynediad cyhoeddus, parciau gwledig a busnesau gwledig sydd oll o fudd i ansawdd bywyd trigolion. Mae ystod lawn o gyfleusterau o Warchodfeydd Natur i fynwentydd wedi aros ar agor, yn cael eu cynnal a'u defnyddio'n dda. Wrth weithredu'n bennaf ar lefel leol, bydd ein cyfranogiad ni, ar lefel ranbarthol a chenedlaethol, wrth ddatblygu polisi yn cael effaith ac yn gadael gwaddol hirhoedlog y gellir adeiladu arno fel y dangosir gan y gydnabyddiaeth gynyddol o seilwaith glas/gwyrdd mewn ystod o ddeddfwriaeth, yn bennaf yn y Deddfau Cynllunio ac Amaethyddol. Yn lleol, mae hyn yn cefnogi'r holl amcanion llesiant ac o dan y themâu cynaliadwyedd mae'n cefnogi holl bileri'r amgylchedd, economaidd, cymdeithasol a diwylliannol.

Mae'r Tîm Gorfodi wedi helpu i sicrhau bod mannau glân a diogel i oedolion a phlant fwynhau chwaraeon ac ymarfer corff gyda gorfodaeth ac addysg barhaus o amgylch y Gorchymyn Diogelu Mannau Cyhoeddus diweddaraf ar gyfer rheoli cŵn. Caerffili oedd y trydydd awdurdod lleol uchaf yng Nghymru ar gyfer erlyniadau tipio anghyfreithlon llwyddiannus, bydd y camau gorfodi cynyddol hyn ar gyfer achosion o dipio anghyfreithlon a hysbysebu'r llwyddiannau hynny, yn helpu i hysbysebu bod Caerffili yn gyngor a fydd bob amser yn anelu at gymryd camau gorfodi ar gyfer materion fel tipio anghyfreithlon. Bydd hyn yn atal tipio anghyfreithlon posibl a pherchnogion tai sy'n ceisio gwaredu gwastraff yn anghyfreithlon yn y dyfodol.

Trwy weinyddu grantiau amrywiol gan gynnwys Cymorth Rhag Bod yn Ynysig ac Unigrwydd a Cronfa Cymorth Tai/Cymorth Bwyd Uniongyrchol rydyn ni wedi helpu i gefnogi grwpiau cymunedol a gwirfoddolwyr sy'n darparu cefnogaeth ar draws y fwrdeistref sirol. Rydyn ni wedi annog a meithrin hyder yn ein dysgwyr drwy'r prosiect Coginio Cymunedol i'w grymuso i symud ymlaen i addysg a gwirfoddoli yn eu cymunedau.

Rydyn ni wedi denu cefnogaeth gan y sector preifat a'r trydydd sector a'u hysbysu o'r heriau y mae pobl yn eu hwynebu yn yr argyfwng costau byw. Mae'r Rhwydwaith Datblygu Bwyd hefyd wedi annog strategaeth gydweithredol sy'n sicrhau ein bod yn mynd i'r afael â gwastraff bwyd ac yn lleihau tlodi ac ansicrwydd bwyd.

Beth rydyn ni wedi’i ddysgu ar gyfer amcanion yn y dyfodol?

Byddwn ni’n parhau i gefnogi ysgolion uwchradd gyda chyfleusterau chwaraeon a hamdden i wneud y defnydd mwyaf posibl er budd y gymuned ynghyd ag archwilio opsiynau i gynhyrchu refeniw ychwanegol trwy wneud y mwyaf o gyfleusterau a nodwyd ar gyfer nawdd a hysbysebu. Byddwn ni’n parhau i gefnogi Canolfannau Cymunedol i greu pwyllgorau rheoli cryfach, mwy cysylltiedig a chynaliadwy.

Mae'r galw am ddarpariaeth chwaraeon ar gyfer plant 3-6 a 7–11 oed yn dal i gynyddu. Mae ein rhaglen ar gyfer plant 3–6 oed wedi'i thanysgrifio'n llawn, ac rydyn ni’n bwriadu ehangu hyn ymhellach i fwy o ardaloedd o'r sir.

Mae llawer o botensial o hyd ar gyfer yr amgylchedd naturiol yn y fwrdeistref sirol, bydd gweithgareddau'n canolbwyntio'n arbennig ar gyfleusterau allweddol. Bydd y symud tuag at reoli ecosystemau cyfan yn parhau mewn polisi ac yn ymarferol, gan helpu i ddiogelu seilwaith gwyrdd a bywyd gwyllt. Rhagwelir y bydd ffocws yn y dyfodol yn parhau i fod yn gyfuniad o gyflawni amcanion hirdymor a chamau gweithredu ymarferol mwy uniongyrchol sy'n helpu i gwrdd â'r amcanion cyntaf. Rhan flaenllaw o hyn yw sicrhau bod trigolion ac ymwelwyr yn cael mynediad at gyfleusterau gwell ac yn gwerthfawrogi a mwynhau'r profiad.

Bydd y gallu i gynnal gwasanaeth gwybodus a deinamig yn caniatáu canolbwyntio ar addysg a chyngor i eraill, rhywbeth na all y gwasanaeth ei ddarparu ar ei ben ei hun. Bydd parciau gwledig a chyfleusterau eraill yn parhau i fod yn ganolfannau ar gyfer hyn, a'r nod yw cynyddu'r defnydd, darparu amgylchedd ysgogol a meithrin gwerthfawrogiad o'r rhain tra bydd y Cynllun Datblygu Gwledig yn canolbwyntio ar y sector gwledig/amaethyddol traddodiadol sy'n debygol o fod mewn cyflwr o newid sylweddol.

Bydd ymdrechion i ddenu cyllid allanol i gefnogi'r gwasanaeth a'r cyfleusterau yn mynd rhagddyn nhw, er efallai eu bod yn targedu mwy. Bydd hyn yn cael ei adlewyrchu wrth weithio mewn partneriaeth, yn enwedig gydag awdurdodau cyfagos Gwent. Y gobaith hefyd yw cynyddu nifer y prosiectau lle mae gwirfoddolwyr yn cynorthwyo ac yn meithrin cysylltiadau agosach â GAVO a chyrff eraill.

Yn ogystal â darparu cymorth arbenigol i eraill, bydd y gwasanaeth yn datblygu ac yn cychwyn gwaith o Gynllun Gwella Hawliau Tramwy newydd, Cynllun Rheoli Glaswelltiroedd Aberbargoed, Strategaeth Seilwaith Gwyrdd ac yn cynnal astudiaeth ddichonoldeb ar weithredu elfennau masnachol posibl Parc Cwm Darran. Bydd y gwasanaeth yn chwarae rhan flaenllaw yn y gwaith o weithredu elfennau o'r Strategaeth Ddatgarboneiddio a menter Parc Rhanbarthol y Cymoedd. Bydd mewnbwn parhaus a sylweddol i Gynllun Datblygu Lleol Caerffili ymhlith cynlluniau a strategaethau eraill. Y gobaith yw y bydd Fforwm Mynediad Lleol Caerffili yn datblygu ymhellach.

Byddwn ni’n parhau i gefnogi grwpiau cerdded yng Nghaerffili lle bo angen, gan gefnogi gwirfoddolwyr gyda hyfforddiant, a chynnal adolygiad cyflawn o'r holl lwybrau cerdded. Ein nod hefyd yw cyflwyno Cyfres Her Caerffili. Mae gan Gyfres Her Caerffili lwybrau sy'n addas ar gyfer pob lefel ffitrwydd a gallu ac yn 2024 rydyn ni’n taflu her ddifrifol i gerddwyr a rhedwyr o bob gallu mewn her o'r enw Y Baedd Gwyllt 2024.

Byddwn ni’n parhau i wella'r defnydd o dechnoleg fel teledu cylch cyfyng a'r cyfryngau cymdeithasol i gynorthwyo gorfodi ac addysg ynghylch troseddau amgylcheddol ymhellach.

Paratoi a rhoi cyflwyniadau i ysgolion yn y fwrdeistref sirol am faterion troseddau amgylcheddol er mwyn addysgu'r plant am y problemau y gall sbwriel, baw cŵn a tipio anghyfreithlon ac ati eu hachosi a phethau y gallant eu gwneud i helpu.

Mae angen i ni adeiladu ar Rwydwaith Bwyd cynaliadwy Caerffili i annog cydweithio ac ymgysylltu â grwpiau anodd eu cyrraedd fel gofalwyr ifanc a rhieni unigol i ddysgu coginio iach ar gyllideb costau isel iddyn nhw.

Rydyn ni’n canolbwyntio ar ddarparu Canolfan Hamdden a Lles Caerffili gwerth £33.5m. Rydyn ni wedi ymrwymo i barhau i ddatblygu dulliau cydweithredol o ddarparu gwasanaethau lle mae angen a pharhau i ddarparu cyfleoedd hyfforddi a datblygu gweithwyr i gefnogi twf personol, recriwtio a chadw gweithwyr.

Mewn Ysgolion Iach, ein ffocws yw gweithio'n ddwys gyda'n hysgolion ar ddull yr ysgol gyfan o roi pecyn cymorth Lles Meddwl Emosiynol i gyflawni targed Llywodraeth Cymru o 75% o Ysgolion Cynradd a 100% o Ysgolion Uwchradd yn ymwneud â'r pecyn cymorth. Byddwn ni’n parhau i weithio'n ddwys gyda'n hysgolion i gefnogi gweithrediad cod a chanllawiau newydd Addysg Cydberthynas a Rhywioldeb Llywodraeth Cymru ac i ddadansoddi data'r Rhwydwaith Ymchwil Iechyd Ysgolion ar gyfer ysgolion cynradd ac uwchradd a datblygu cynlluniau i fynd i'r afael â themâu cyffredin.

amcan llesiant 6

Cefnogi dinasyddion i aros yn annibynnol a gwella eu lles

Y canlyniadau rydyn ni am eu cyflawni:

1. Cefnogi pobl i 'helpu eu hunain' drwy ddarparu cyngor a gwybodaeth gynhwysfawr gan gynnwys cyfeirio at wasanaethau eraill; a chael 'sgyrsiau ystyrlon' i helpu pobl i nodi 'beth sy'n bwysig' iddyn nhw i lywio cynllunio 'canolbwyntio ar ganlyniadau'.
2. Darparu cymorth i leihau'r angen am ymyriadau statudol haen uwch.
3. Adnabod a chefnogi gofalwyr.
4. Gwella recriwtio gofalwyr maeth a gofalwyr Cysylltu Bywydau.
5. Parhau i nodi cyfleoedd i gydweithio lle bynnag y bo'n briodol.

Crynodeb Cyffredinol o'n perfformiad dros bum mlynedd

Mae ein perfformiad mewn perthynas â chyflawni'r canlyniadau llesiant y cytunwyd arnyn nhw wedi bod yn gryf drwy gydol y cyfnod hwn. Mae hyn oherwydd bod y canlyniadau'n cael eu hystyried yn 'fusnes craidd' ar draws meysydd gwasanaeth sydd yn ei dro yn golygu eu bod yn parhau i fod yn gyfredol. Er gwaethaf y pandemig, roedd yn rhaid cynnal y ddarpariaeth o wasanaethau gofal cymdeithasol rheng flaen ac felly parhaodd i redeg trwy gydol y gwahanol gyfnodau clo. Roedd gwasanaethau'n gallu ystwytho ac addasu i lawr mewn ymateb i'r cyfyngiadau a oedd yn cael eu gosod a'u codi ac mae hyn yn glod i ymrwymiad a gwytnwch yr holl staff. O ganlyniad, mae perfformiad cyffredinol ar draws yr holl wasanaethau wedi'i gynnal ac mae'r enillion perfformiad blynyddol i Lywodraeth Cymru yn dangos hyn, yn ogystal â'r adborth gan ein Rheoleiddiwr, Arolygiaeth Gofal Cymru (AGC).

Beth aeth yn dda eleni a pham?

Mae perfformiad cyffredinol ar draws y Gyfarwyddiaeth wedi bod yn gryf er gwaethaf pwysau sylweddol yn deillio o'r GIG o ran rhyddhau cleifion o'r ysbyty a phwysau mewn gwasanaethau plant sy'n ymwneud â chymhlethdod anghenion a diffyg argaeledd gwasanaethau.

Mae gwaith y Bwrdd Partneriaeth Rhanbarthol statudol sy'n cwmpasu pum Awdurdod Lleol Gwent a Bwrdd Iechyd Prifysgol Aneurin Bevan (BIPAB) yn parhau i ehangu gyda blaenoriaeth a roddir i weithredu polisi Llywodraeth Cymru a sicrhau dull cyson o ddarparu gwasanaethau ar draws y rhanbarth gan gynnwys defnyddio gwahanol ffrydiau cyllid grant.

Mae'r galw am Wasanaethau Oedolion wedi cynyddu drwy gydol y flwyddyn tra bod y Gwasanaethau Plant wedi parhau'n gymharol sefydlog. Fodd bynnag, mae heriau a chymhlethdodau'r llwyth gwaith, ynghyd â chostau darparu gwasanaethau wedi cynyddu'n sylweddol ar draws y Gyfarwyddiaeth.

Nifer yr atgyfeiriadau a waned I Wasanaethau Oedolion

	2018-2019	1578
	2019/2020	1787
	2020/2021	1816
	2021/2022	1303
	2022/2023	1954

Roedd tanwariant Gwasanaethau Cymdeithasol yn 2022/23 i'w briodoli i raddau helaeth i ddyraniadau grant tymor byr o fewn blwyddyn Llywodraeth Cymru ynghyd â gostyngiadau dros dro yn y ddarpariaeth gwasanaeth oherwydd prinder staffio sy'n effeithio ar y sector gofal cymdeithasol cyfan. Mae'r arbedion tymor byr hyn yn cuddio cynnydd sylfaenol yn y galw am ofal a chymorth, yn enwedig o ran lleoliadau gofal preswyl i blant a phobl hŷn. Er gwaethaf y cyllid ychwanegol a ddarparwyd yn ystod 2023/24 i fynd i'r afael â'r pwysau sylfaenol hyn, bydd y sefyllfa'n parhau i fod yn gyfnewidiol a bydd angen ei monitro'n agos.

Mae Gartref yn Gyntaf yn dîm ymroddedig o weithwyr proffesiynol sy'n gallu cael gafael ar gymorth parhaus yn gyflym a threfnu pecynnau gofal i gleifion yr aseswyd eu bod yn cael eu rhyddhau'n ffit yn feddygol ar draws ysbytai BIPAB. Mae cyllid ychwanegol gan Lywodraeth Cymru wedi cael ei ddefnyddio i ehangu'r gwasanaeth i Ysbyty'r Tywysog Siarl er mwyn lleihau nifer y cleifion sy'n gorfod cael eu trosglwyddo i Ysbyty Ystrad Fawr er mwyn cael mynediad i'r gwasanaeth. Cytunwyd ar gyllid parhaus ar gyfer y gwasanaeth gan y Bwrdd Partneriaeth Rhanbarthol sy'n defnyddio'r Gronfa Integreiddio Rhanbarthol sy'n rhaglen gan Lywodraeth Cymru sydd â'r nod o wella integreiddio gwasanaethau iechyd a chymdeithasol.

Mae'r manylion yn erbyn ein canlyniadau penodol yn cynnwys:

1. Cefnogi pobl i 'helpu eu hunain' drwy ddarparu cyngor a gwybodaeth gynhwysfawr gan gynnwys cyfeirio at wasanaethau eraill; a chael 'sgyrsiau ystyrlon' er mwyn helpu pobl i adnabod 'yr hyn sy'n bwysig' iddyn nhw i lywio 'cynllunio sy'n canolbwyntio ar ganlyniadau'.

Mae gennym Wasanaeth Gwybodaeth, Cyngor a Chymorth effeithiol ar waith sy'n bodloni gofynion Deddf Gwasanaethau Cymdeithasol a Llesiant (Cymru) 2014 yn llawn. Mae'r holl staff wedi derbyn hyfforddiant 'cyfathrebu cydweithredol' yn unol â rhaglen genedlaethol a gefnogir gan Gofal Cymdeithasol Cymru a Llywodraeth Cymru gyda'r nod o gefnogi dinasyddion i helpu eu hunain trwy hwyluso sgyrsiau sy'n adnabod yr 'hyn sy'n bwysig' i'r unigolyn ond hefyd pa rwydweithiau cymorth sydd ganddyn nhw eisoes ar waith neu y gellid eu defnyddio i leihau'r angen am ddarparu gwasanaethau gofal a chymorth. Er ein bod yn hyderus bod ein Gwasanaeth Gwybodaeth, Cyngor a Chymorth yn effeithiol, o ystyried bod y canlyniad hwn yn ofyniad statudol i bob Cyngor yng Nghymru, bydd yn parhau i fod yn flaenoriaeth.

2. Darparu cymorth i leihau'r angen am ymyriadau statudol haen uwch.

Mae Cynlluniau Gartref yn Gyntaf, Gofal Brys yn y Cartref a Rhyddhau i Asesu bellach yn gwbl weithredol ac yn cyfrannu at atal derbyniadau diangen i'r ysbyty ac at gefnogi gollyngiadau cyflymach o'r ysbyty lle bynnag y bo modd.

Mae Llywodraeth Cymru wedi cadarnhau cyllid grant i ddarparu gwasanaethau ataliol ac i wrthbwyso'r galwadau cynyddol ar wasanaethau o ganlyniad i hynny, yn rhannol o'r pandemig. Bydd y gofynion hyn yn parhau, mae cynlluniau gwaith strwythuredig a gwasanaethau comisiwn ar waith i sicrhau bod yr holl gyllid ac adnoddau yn cael eu gwneud yn y mwyaf posibl. Mae'r holl wasanaethau wedi cael eu hadolygu gan y Tîm Rheoli Rhaglenni i sicrhau canlyniadau cadarnhaol a gwerth am arian.

Mae'r Tîm Cymorth Dwys yn darparu cymorth gofal ymylol* ar gyfer Gwasanaethau Plant a thrwy ddefnyddio cyllid grant, cafodd ei ehangu i gynnwys Seicolegydd Plant, Gweithiwr Addysg, Ymwelydd Iechyd, Gwasanaeth Cyfarfod Teuluol, a Gweithwyr Cymorth i Deuluoedd ychwanegol. Rhagwelwyd y byddai niferoedd plant sy'n derbyn gofal yn parhau i gynyddu ond mae'r nifer wedi aros yn sefydlog dros y tair blynedd diwethaf.

*Plant yr oedd yr awdurdod lleol wedi ystyried eu bod yn derbyn gofal ar eu cyfer, naill ai ar sail wirfoddol neu drwy achos cyfreithiol, ond sy'n cael eu cefnogi i beidio â mynd i ofal.

3. Adnabod a chefnogi gofalwyr

Mae ystod sylweddol well o gymorth bellach ar gael i bob gofalwr gan gynnwys cymorth unigol, grwpiau a gweithgareddau hamdden a chymdeithasol. Mae'r rhain i gyd yn cael eu hysbysebu trwy gylchlythyr rheolaidd. Mewn partneriaeth â'r pedwar awdurdod lleol arall, rydyn ni wedi cyflwyno prosiect arloesol newydd i Pontio'r Bwlch i gefnogi gofalwyr ar gyfer pob oedran, trwy roi llais a rheolaeth iddyn nhw dros sut y maent yn derbyn cefnogaeth. Mae cyfeiriadur o wasanaethau wedi'i lansio ac mae gofalwyr yn cael swm tybiedig o arian i archebu gwasanaethau pan fydd eu hangen arnyn nhw er enghraifft, gwasanaeth eistedd i fynychu priodas. Rydyn ni’n parhau i ddarparu mynediad at gynllun grant bach gofalwyr y gellir ei ddefnyddio i brynu peiriannau golchi ac ati.

4.Gwella recriwtio gofalwyr Gofalwyr Maeth a Chysylltu Bywydau

Mae 10 o Ofalwyr Cysylltu Bywydau newydd a 15 o Ofalwyr Maeth newydd wedi'u hasesu a'u cymeradwyo yn ystod y 12 mis diwethaf.

Mae'r ymgyrch hysbysebu gyfredol i recriwtio gofalwyr yn cael ei diwygio i gynnwys cyfeiriad at wasanaeth maethu therapiwtig Fy Nhîm Cefnogi (MyST). Mae Fy Nhîm Cefnogi yn Wasanaeth Iechyd Meddwl Plant a'r Glasoed (CAMHS) arbenigol yn y Gwasanaethau Plant sy'n cefnogi plant i aros yn eu teuluoedd neu o fewn gofal maeth ac osgoi gofal preswyl cost uchel. Mae'r gwasanaeth hefyd yn cefnogi plant sydd eisoes mewn gofal preswyl i gamu i lawr i ofal maeth neu ddychwelyd i'w teuluoedd.

Cyfanswm nifer y cysylltiaau atwasanaethau cymdeithasol a waned gan ofalwyr sy’n oedolion

	2018/2019	-
	2019/2020	-
	2020/2021	94
	2021/2022	200
	2022/2023	148

5. Parhau i adnabod cyfleoedd i gydweithio lle bo hynny'n briodol

Fel nodwyd uchod, mae'r Bwrdd Partneriaeth Rhanbarthol yn darparu cyfeiriad strategol ar gyfer rhanbarth Gwent o ran datblygu a chynnal gwasanaethau iechyd a chymdeithasol ar draws y 5 Awdurdod Lleol a Bwrdd Iechyd Prifysgol Aneurin Bevan.

Mae Llywodraeth Cymru yn ei gwneud yn ofynnol i bob un o'r rhanbarthau cydweithredol yng Nghymru ddarparu gwasanaethau eiriolaeth statudol ar gyfer plant a phobl ifanc. Cydnabyddir bod rhanbarth Gwent yn arwain y gwaith yng Nghymru ac, yn y rhanbarth ei hun, mae Caerffili wedi arwain datblygiad Eiriolaeth Rhieni i gefnogi teuluoedd trwy gynllunio amddiffyn plant a phrosesau gwneud penderfyniadau sydd bellach yn cael eu mabwysiadu ledled Cymru.

Mae'r cydweithio presennol yn cynnwys Bwrdd Diogelu De-ddwyrain Cymru ar gyfer Oedolion a Phlant, cynnal Canolfan Diogelu Ardal y Gorllewin gyda Heddlu Gwent, Gwasanaeth Mabwysiadu De-ddwyrain Cymru, Maethu Cymru, Shared Lives a Dyletswydd Argyfwng De-ddwyrain Cymru.

Yr hyn nad aeth mor dda a pham

Darparu cymorth i leihau'r angen am ymyriadau statudol haen uwch.

Roedd rhai o'r heriau mwyaf sylweddol a wynebwyd gennym mewn ymateb i'r pwysau cynyddol o fewn y system iechyd, gan gynnwys ysbytai a'r gwasanaeth ambiwlans. Mae problemau parhaus yn ymwneud ag amseroedd ymateb ambiwlans a rhyddhau cleifion yn yr ysbyty yn golygu bod pobl yn aros am ofal yn eu cartrefi eu hunain am fwy o amser nag y byddem yn dymuno. Mae galw cynyddol am wasanaethau a chymhlethdod cynyddol achosion yn arwain at becynnau gwell o ofal a chymorth gyda'r costau cynyddol y mae hyn yn eu hwynebu. Mae hon yn her ledled y DU ac nid yw'n unigryw i Gaerffili.

Mae recriwtio a chadw staff gwaith cymdeithasol a gofal ar draws y Gyfarwyddiaeth yn parhau i fod yn broblemus fel y mae ym mhob adran gwasanaethau cymdeithasol ledled Cymru. Fodd bynnag, mae'r pethau cadarnhaol mewn perthynas â dulliau gweithredu hyblyg, hybrid, a chyfunol o ddarparu gwasanaethau gweithredol a fabwysiadwyd mewn ymateb i'r pandemig yn gadarnhaol a byddant yn cael eu cynnal wrth symud ymlaen.

Adnabod a chefnogi gofalwyr

Arweiniodd anawsterau wrth ddarparu pecynnau gofal cartref oherwydd prinder cenedlaethol gweithwyr gofal cartref, at gyflwyno sylwadau gan ddefnyddwyr gwasanaeth a'u teuluoedd. Arweiniodd yr adolygiad o'r ffordd y cafodd gwasanaethau dydd eu darparu, gan symud i wasanaeth sy'n seiliedig ar ganlyniadau unigol, hefyd at nifer o gwynion neu sylwadau yn cael eu gwneud ar adeg y newidiadau. Gall pob newid greu pryderon ond gan fod y model newydd bellach wedi gwreiddio, mae adborth gan ddefnyddwyr a'u teuluoedd wedi bod yn hynod gadarnhaol.

Pa wahaniaeth rydyn ni wedi'i wneud?

Er gwaethaf yr holl heriau a wynebir gan ein cymunedau, ein cymdeithas a'r byd yn ei gyfanrwydd, mae Gwasanaethau Cymdeithasol wedi parhau i ddiogelu a chefnogi'r plant a'r oedolion mwyaf agored i niwed a mwyaf anghenus. O ganlyniad, nid yw lefelau cyffredinol cwynion wedi cynyddu er bod rhaid gosod cyfyngiadau ar wasanaethau ac mae canmoliaeth yn parhau i fod yn fwy na chwynion, gyda rhai sylwadau cadarnhaol wedi'u cofnodi ar draws pob maes gwasanaeth.

Mae nifer y cofrestrau plant sy'n derbyn gofal ac amddiffyn plant wedi parhau i fod yn dystiolaeth sefydlog bod yr ystod o fesurau a gwasanaethau ataliol sydd ar waith yn effeithiol.

		Cyfanswm nifer y plant sy’n derbyn gofal	Cyfanswm nifer y plant sydd ar y gofrestr amddiffyn plant
	2018-2019	436	105
	2019-2020	451	143
	2020-2021	456	142
	2021-2022	464	169
	2022-2023	467	198

Mae ymateb y Cyngor i'r argyfwng costau byw wedi gwneud gwahaniaeth sylweddol i rai o'r dinasyddion mwyaf bregus.

Beth rydyn ni wedi’i ddysgu ar gyfer amcanion yn y dyfodol?

• Mae'r datblygiad hwn yn cysylltu'n uniongyrchol ag argymhellion a wnaed gan Archwilio Cymru yn dilyn adolygiad o drefniadau Diogelu Corfforaethol. Datblygwyd y model i ddechrau gan Wasanaethau Cymdeithasol ond mae wedi cael ei fabwysiadu gan y Cyngor cyfan a thrwy weithio ar y cyd â Chynghorau Blaenau Gwent, Merthyr Tudful a Sir Gaerfyrddin, mae Llywodraeth Cymru wedi sicrhau buddsoddiad i gomisiynu'r system newydd.
• Mae recriwtio a chadw Gweithwyr Cymdeithasol cymwys yn parhau i fod yn her gyson i ddarparu gwasanaethau gweithredol. Mae gennym raglen secondiad lwyddiannus sy'n cefnogi staff heb gymwysterau profiadol sydd eisoes yn gweithio yn y Gwasanaeth i ymgymryd â'r Radd Gwaith Cymdeithasol tra hefyd yn gweithio. Felly, byddwn ni’n gweithio ar barhad y cynllun secondiad i staff cymorth ymgymryd â'r Radd Gwaith Cymdeithasol.
• dysgu o'r profiadau o orfod darparu gwasanaethau yn ystod y pandemig wedi galluogi'r Gyfarwyddiaeth i bwyso a mesur y ffordd y gall gwasanaethau dydd gael eu darparu ac y dylid eu darparu yn y dyfodol. Mae canfyddiadau adolygiad annibynnol o wasanaethau i adnabod opsiynau ar gyfer darparu yn y dyfodol ar waith.
• Mae'r galw am wasanaethau, ar ôl y pandemig, yn parhau i gynyddu. Mae pwysau'r GIG bellach yn cael effaith uniongyrchol o ganlyniad i flaenoriaethu'r Llywodraeth o ran rhyddhau cleifion o'r ysbyty ac o ran anghenion pobl sydd wedi bod yn aros am driniaeth y GIG. Bydd setliadau cyllideb y dyfodol yn heriol iawn o ystyried cynnydd yn y galw yn enwedig mewn gwasanaethau plant.

Adran 3: sut i gysylltu â ni

Gallwch gysylltu â ni drwy:

E-bost: TimGwellaBusnes@caerffili.gov.uk neu drwy dudalen Perfformio'r Cyngor gan ddilyn y cyfarwyddiadau ar y sgrin.

Fel arall, cysylltwch â:

ROS ROBERTS

Rheolwr Gwella Busnes

Cyngor Bwrdeistref Sirol Caerffili

Tŷ Penallta

Ystrad Mynach

Hengoed

CF82 7PG

Ffôn: 01443 864238

E-bost: roberr@caerffili.gov.uk

Gallwch gysylltu â ni drwy'r cyfryngau cymdeithasol.

www.caerffili.gov.uk

• Yn ôl i'r brig