• Newyddion    Newyddion    Medi 2024    Canolfan Hamdden Heolddu yn cyflwyno hyfforddiant achub bywydau fforddiadwy ar gyfer cyfleoedd gyrfa

News Centre

Canolfan Hamdden Heolddu yn cyflwyno hyfforddiant achub bywydau fforddiadwy ar gyfer cyfleoedd gyrfa newydd.

Postiwyd ar : 24 Medi 2024

Canolfan Hamdden Heolddu yn cyflwyno hyfforddiant achub bywydau fforddiadwy ar gyfer cyfleoedd gyrfa newydd.
Mae Canolfan Hamdden Heolddu yn falch o gyhoeddi lansio cwrs hyfforddi achub bywydau fforddiadwy, wedi’i ddylunio ar gyfer unigolion sy’n chwilio am newid gyrfa gwerth chweil neu am gyfleoedd gwaith ychwanegol.

Am £49 yn unig, gall cyfranogwyr gychwyn ar daith 13 wythnos yn dechrau ar 14 Hydref, gan ennill sgiliau achub bywydau hanfodol a all baratoi'r ffordd at ddyfodol yn y diwydiant Chwaraeon a Hamdden. Bydd y cwrs yn rhedeg bob dydd Llun am 13 wythnos, gan ddarparu hyfforddiant cynhwysfawr sy'n cynnwys technegau achub bywydau hanfodol, adfywio cardio-pwlmonaidd (CPR) a chymorth cyntaf.  Mae hwn yn gyfle gwych i'r rhai sydd â diddordeb mewn cael effaith sylweddol wrth ddilyn llwybr gyrfa newydd neu wella eu set sgiliau bresennol.

I gymryd rhan yn y cwrs, rhaid i ymgeiswyr fodloni'r gofynion nofio canlynol:
  • Nofio 100 metr yn barhaus ar eich cefn ac yn eich blaen.
  • Nofio 50 metr mewn 60 eiliad.
  • Nofio yn eich unfan am 30 eiliad.
  • Nofio 20 metr gyda bwi torpido.

Mae'r hyfforddiant trylwyr hwn wedi'i gynllunio i sicrhau bod cyfranogwyr wedi'u paratoi'n dda ar gyfer rolau achub bywydau a'u bod nhw’n gallu ymdrin â sefyllfaoedd bywyd go iawn yn hyderus.

Rydyn ni’n annog y rhai sydd â diddordeb mewn cofrestru ar y cwrs i wneud hynny’n gyflym, gan fod lleoedd yn gyfyngedig.  I gael rhagor o wybodaeth neu i sicrhau lle, cysylltwch â’r dderbynfa yng Nghanolfan Hamdden Heolddu ar 01443 828950 neu drwy e-bost i CHHeolddu@caerffili.gov.uk.

Peidiwch â cholli’r cyfle hwn i ennill cymhwyster gwerthfawr a dechrau gyrfa newydd mewn achub bywydau.

Newyddion Diweddar
Ymholiadau'r Cyfryngau